VOV.Jarai-Lơ 11/6, ƀơi Hà Nội, Ding jum kơđi čar, Khul git gai Ping gah dêh čar pơphun jơnum đơ đam dêh čar kơsem min, hrăm tui, hruă kjăp hăng pok pơhai ngă tui tơlơi pơtrun mrô 06 mơng Ding jum kơđi čar kơ bruă pok pơhai jơlan gah pơtom hiăp Jơnum tal XIV mơng Ping gah.

VOV.Jarai-Hơdôm thun rơgao, djop mơnuih đuăi hyu dŏ pơ tač rơngiao ƀuh na nao hluai tui djuai ania, tơlơi đăo kiăng pơčut ngă rung răng ƀơi kual Dap kơdư. Tơdơi kơ hơdôm grup anun lĕ “Tin lành Đêga”, “tà đạo Hà Mònh, “Đức chúa trời Mẹ”, giăm anai hơmâo dong tơlơi đăo phrâo anun lĕ “Ba Na Đêga Kon Kông” kiăng kơ čung ba mơnuih ƀôn sang, pơčut ngă pơčlah, ngă pơrai hĭ pran gum pơgôp djuai ania ƀơi tơring čar Gia Lai. Hăng tơlơi mut hrŏm khut khăt mơng anom bruă bơdjơ̆ nao hăng djop anih anom kơđi čar, amăng blan 5/2026, kông ang tơring čar Gia Lai hơmâo phă pơrai hĭ tơlơi đăo phrâo anai. Bruă kơdong glăi hăng tơlơi pơtô pơblang brơi kiăng djru brơi mơnuih ƀôn sang hluh rơđah dong bruă pơčut ngă soh mơng tơlơi đăo anai glăk ngă tui amăng rĭm boh plơi pla.

VOV.Jarai-Tlam lơ 11/6, ƀơi Hà Nội, Khua dêh čar ơi Lê Minh Hưng mă bruă hăng Khua mua apăn bruă git gai ping gah ƀôn prong Hà Nội kơ bruă ngă tui tơlơi pơhing pơđĭ kyar bơwih ƀong huă-mơnuih mơnam, tơhnal pơkă pơđĭ kyar 2 mrô.

VOV.Jarai-Dak Lak  gir run khut khăt kiăng mut anăn amăng 15 boh tơring čar, ƀôn prong kơ bruă pơblih pơčeh phrâo.

VOV.Jarai-Tơdơi kơ sa thun pok pơhai Ngă hrŏm “Mơnuih ƀôn sang hrăm ia rơgơi mrô”, tơring čar Lâm Đồng hơmâo čih pioh lu boh tơhnal tŭ yua klă biă mă, pơđĭ tui tơlơi thâo hluh hăng tơlơi thâo hruaih ba yua ia rơgơi mrô, djru pơtrut ngă pơblih yua mrô kơ abih bang mơnuih ƀôn sang.

VOV.Jarai-Tlam lơ 10/6, ƀơi amăng jang jar kmar Lệ Thanh (să Ia Dom, tơring čar Gia Lai), Khul git gai mrô 515 tơring čar Gia Lai pơphun yôm phăn mông čơkă mă 18 per tơlang tơleh tơhan djai pơsăn drơi lĕ tơhan djru blah ngă hăng ƀing kơhnâo Việt Nam djai pơsăn drơi lơm ngă bruă jao jar kmar ƀơi 3 boh tơring čar Ngŏ kơdư dêh čar Kur hơmâo Stung Treng, Ratanakiri hăng Preah Vihear ba glăi pơ dêh čar.

VOV.Jarai-Tlam tom brơi (10/6), ƀơi Ƀirô Ping gah, Khua git gai Ping gah, Khua mir sir ơi Tô Lâm git gai mông mă bruă hăng Ping gah kơnuk kơna hăng hơdôm anom bruă bơdjơ̆ nao kơ bruă lăng glăi tơlơi pơtrun mrô 24 mơng Khul apăn bruă Ping gah tal 11 amăng pơhlôm pơgang ayuh hyiăng pơplih sat, kơtưn wai lăng dram gơnam hăng wai pơgang ayuh hyiăng lŏn mơnai.

VOV.Jarai-Lơ 10/6, ƀơi Tokyo, Kơ-iăng khua dêh čar ơi Lê Tiến Châu nao bưp hăng mă tơngan khua gơnong yŭ pơ ala mơnuih ƀôn sang dêh čar Japan, Mori Eisuke ƀrô amăng tal nao čuă dêh čar Japan hăng jơnum hrŏm bruă Kơñ pơgi kual ASIA tal 31.

VOV.Jarai-Ƀơi să Ia Dom, khul wai lăng hơdôm akŏ bruă tuh pơ alin man pơdong tơring čar Gia Lai pơphun ngă lơphet pok ngă bruă amăng 90 hrơi mlăm ngă tui ako bruă man pơdong sang hră kơnuk kơna čem rông ba gưl I hăng gưl II ƀơi 7 boh să giăm guai gah yŭ tơring čar.

VOV.Jarai-Lơ 10/6, Khul hlăk ai tơring čar Lâm Đồng hơmâo pơphun ha amăng plĕ Jơlan hơdră “Pơsur pran bơyan pơplông” thun 2026, djru brơi rơbêh 41.100 čô čơđai ƀơi 91 anih pơplông amăng tơring čar yak nao bơyan pơplông abih anih 12.