Pơhiăp ƀơi mông bưp, Khua ping gah, Khua mir sir ơi Tô Lâm mơak biă lơ̆m hơmâo bưp ƀing bơwih ƀong rơgơi, khua pơ ala mơ̆ng sang bruă bơwih ƀong Việt Nam. Pơ ala kơ khua mua Ping gah, Kơnuk kơna, Khua ping gah, Khua mir sir mơit hiăp kơ djŏp rơnuk bơwih ƀong amăng čar ta, pơ tač rơngiao, hăng ƀing tuh pơ alin mơ̆ng tač rơngiao glăk ngă bruă hrŏm hăng Việt Nam tơlơi tơña bla, bơni hơ-ơč hiam hloh.

Khua ping gah, Khua mir sir pơsit, Ping gah, Kơnuk kơna pơpŭ kơ tơlơi gum djru, pơgang ba tơlơi dưi hăng tơlơi găl, djru brơi kiăng ƀing bơwih ƀong pơtrut tui tơlơi rơgơi, ngă pơdrong djơ̆ hăng tơlơi phiăn. Khua ping gah, Khua mir sir čang rơmang ƀing apăn bruă bơwih ƀong kjăp pran jua, akŏ pơdong sang bruă bơwih ƀong, hơmâo anăn hmư̆ hing, rơgơi, tơpă sit, pơ-ư pơ-ang kơ Việt Nam. Truh thun 2045, lơ̆m lŏn ia krĕp ha rơnuk thun rơngai, ƀing ta pơ-ư pơ-ang kơ sa Việt Nam đĭ kyar, hăng hơdôm sang bruă bơwih ƀong kjăp kơtang./.