Dak Lăk glăk hơmâo rơbêh kơ 217.600 ha đang kơphê, hăng giăm 33.800 ha đang kơsu. Bruă wai lăng anih pla, pơsit rơđah anih pơkra gơnam, laih anun pơgang hlâo hŭi rơngiă glai rưng jing bruă yom biă mă đah mơ̆ng dưi ba sĭ pơ tač rơngiao hơđong, mơ̆ng dua bruă sĭ mơdrô akŏ phun anai. Ră anai tơring čar hơmâo pok pơhai ngă laih djŏp bruă, mơ̆ng čih pơkra dưm pơmut hră pơ-ar, sem lăng tơlơi pơhing anih pla truh kơ pơđĭ tui tơlơi thâo pơmin hăng tơlơi rơgơi ngă bruă mơ̆ng sang bruă bơwih ƀong, anom ngă ƀong hrŏm, mơnuih ƀôn sang.

Gơnong bruă ngă hmua hăng ayuh hyiăng tơring čar Dak Lăk gơgrong akŏ pơdong Grup mă bruă EUDR gưl tơring čar đah mơ̆ng gum hrŏm ngă bruă. Gong gai hơdôm boh să, phường pơtrut pôr pơhing, pơtô ba mơnuih ƀôn sang; lăng glăi, pơtŏng rơđah tơlơi pơhing kơ pô ngă hmua, pơkra gơnam, anih pla hăng bruă mă yua lŏn tơnah. Anai jing atur yom biă đah mơ̆ng hơmâo tơlơi đăo kơnang mơ̆ng đang hmua pla gơnam, pioh či pơhmu hăng tơlơi pơhing mơ̆ng sang bruă wai lăng lŏn tơnah laih anun hră pơar glai rưng./.