Amăng mông pơbưp thâo khăp ƀu-eng, dua bơnah jŭ yap glăi hơdôm tơlơi pơplih prong amăng pok pơhai ngă tui Jơnum lok sa Jơnum min ngă hrŏm plah wah Khua mua pơ ala mơnuih ƀôn sang Việt Nam hăng Khua mua pơ ala mơnuih ƀôn sang dêh čar Khač (blan 8/2025).

Kiăng ngă dlăm tui tơlơi rô nao rai dua bơnah pơ anăp dong, Khua pơ ala mơnuih ƀôn sang dêh čar ơi Trần Thanh Mẫn hăng Khua pơ ala mơnuih ƀôn sang dêh čar Khač ơi Triệu Lạc Tế tŭ ư dua bơnah pơphun na nao mông jơnum, kiăng hơmâo atur kjăp bruă kơđi čar, či ngă hrŏm amăng djŏp bruă, djŏp gưl; pơkă hơnong prong hloh kơ tơlơi ngă hrŏm, biă ñu ngă hrŏm sĭ mơdrô đĭ kyar kơnar, hơđong kjăp hloh, tuh pơ alin klă hloh, pơkra jơlan rơdêh treng bơkơnar, phrâo, pơtrut ngă hrŏm boh thâo ia rơgơi; kjăp tui mơnuih tơpuôl đah mơ̆ng rô nao rai hiam hloh, ngă hrŏm hơdôm boh tơring, pơbưp nao rai mơnuih ƀôn sang, ngă hrŏm gah pơtô pơjuăt, gru grua, čơkă tuai; ngă hrŏm lu bơnah kjăp hloh; gum wai lăng tŭ yua jơlan guai hăng kơdư laih anun wai lăng, pơsir hĭ klă hloh hơdôm tơlơi aka ƀu djơ̆ hrŏm, bong kjăp rơnuk rơnua, rơngai ƀơi ia rơsĭ./.