Tui hăng tơlơi lăi pơthâo mơ̆ng Ding jum Ngă hmua hăng Pơgang ayuh hyiăng, amăng mrô 38 tơlơi rơkâo mơ̆ng jơnum min kual Mi kô̆ EC, hơmâo 31 mơta tơlơi rơkâo hơmâo ngă giong laih, dŏ 5 mơta tơlơi rơkâo đôč ăt hlăk ngă tui djop tui tơhnal pơkă hăng 2 tơlơi rơkâo kiăng pơčrong sai glăi, ngă pơrơđah hloh pơgang brơi djơ̆ găl hăng tơlơi mă bruă sit nik laih anun djơ̆ hăng tơlơi phiăn dêh čar Việt Nam.

Truh abih blan 9, đơ đam dêh čar hơmâo 80.000 boh ƀattô, song nan čih anăn, lăi pơthâo mrô rơnoh pơdah thâo bruă mă akan hơdang ƀơi dêh čar. Mrô ƀattô dưm truă măi lăng sŭ, pel ĕp jơlan nao ngă djop 99%. Klah čun ƀơi mông jơnum, Kơ-iăng khua dêh čar pơtrun hiăp mơ̆ng ră anai, truh abih thun khom ngă tui khut khăt 5 mơta ƀu hơmâo amăng bruă hyu mă akan hơdang anăm ngă soh tơlơi pơkă IUU: ƀu hơmâo ƀattô dêh čar ta dêh čar tač rơngiao mă pơkong; ƀu brơi ƀattô ƀu djop anŏ gêh găl hyu mă bruă; ƀu brơi ngă soh glăi yua ƀu hơmâo dưm truă VMS sui hrơi; ƀu lui gơnam akan hơdang hyu mă mơ̆ ƀu thâo mơ̆ng pơpŭ anih ba sĭ mơdrô; ƀu lui lăi pơthâo mrô rơnoh ƀu tong ten, soh hăng mrô lăi pơthâo, hră pơar čih pioh rĭm hrơi. Djop tơring čar khom wai lăng tong ten rim boh ƀattô hyu mă akan hơdang, kiăng pơgang ba djơ̆ lăp, khom sem lăng, jŭ yap tong ten, pơsir hĭ anŏ kơƀah, aka ƀu gêh găl, ƀu lui tơring čar  pơpă ôh ngă ƀu klă hŭi bơbeč djơ̆ kơ tơlơi gir run kiăng dưi lui hĭ tơlơi pơhŭi “Kak kơñĭ” mơ̆ng Jơnum min kual Mi kô̆ EC.