Truh abih blan 9, Lâm Đồng hơmâo 8.160 boh ƀattô mơng 6 met  glông hơmâo čih anăn, dưm pơmut amăng anih răk pioh bruă mă akan hơdang dêh čar. Sit biă ñu, mrô ƀattô amuñ ngă soh tui tơlơi pơkă IUU ăt dŏ lu. Mơng akŏ thun truh ră anai, anom bruă bơdjơ̆ nao amăng tơring čar hơmâo pơphun rơbêh 1.200 wŏt hyu tir, pel ĕp rơbêh 6.700 boh ƀattô, ĕp ƀuh 212 boh ƀattô ngă soh, phak abih tih rơbêh 3,7 klai prăk. Tơring čar Lâm Đồng ăt pel ĕp, pơsit tong giăm 300 boh ƀattô mă akan amuñ hyu mă ča čot ƀơi kual ia rơsĭ dêh čar ieo gah hăng 864 boh ƀattô ƀu djop tơlơi gal hyu mă akan, kiăng pơpha mơnuih wai lăng kjăp ƀattô hăng ƀing hyu mă akan hơdang.

Khul git gai dêh čar pơtă, bruă wai lăng ngă soh hăng ƀattô ƀu djop tơlơi gal ăt dŏ lu hăng abih tih rơbêh 1.500 boh ƀattô. Ƀơi anăp kơ tơlơi rơkâo pơgăn mă akan hơdang ča čot IUU, Jơnum min mơnuih ƀon sang tơring čar Lâm Đồng hơmâo lăi pơthâo 2 tơdrun mă akan jang jai, dưm pơmut hră pơ-ar wai lăng ƀattô mut nao rai rĭm hrơi. Pel ĕp hơdôm anih mơ̆ ƀattô juăt mut nao, laih dong jao tơlơi glăm ba mơng rĭm boh ƀon lan amăng wai lăng ƀattô mut nao hơdôm tơdrun anai.