Nao pel ĕp tơl anih bruă man pơkra Akŏ bruă Kênh Tham Lương-Bến Cát-Rạch Nước Lên, Khua dêh čar lăi pơtong, anai lĕ glông pơđoh đuăi ia hăng glông jơlan phun glông 64 km, rơkâo hơdôm anom bruă man pơkra kiăng ba nao lu rơdêh, măi mok, mơnuih mă bruă, hơneč mă yang hrơi glăk pơ-iă kiăng kơ man pơkra giong.

Nao pel ĕp Akŏ bruă pơhlôm hlâo ia dăo kual ƀôn prong Hồ Chí Minh ăt lăng nao ayuh hyiăng pơplih sat (rơwang tal 1) ƀơi kual glông pơđoh đuăi ia Tân Thuận, jơlan Trương Đình Hợi, phương Xóm Chiếu, Khua dêh čar ơi Lê Minh Hưng rơkâo djop bơnah bơdjơ̆ nao tŏ tui pran gơgrong, ječ ameč pơsir hĭ khut khăt hơdôm tơlơi gun dŏ glăi, anăm yua khưi khai prăk tuh pơ alin mơng Kơnuk kơna hăng mơnuih mơnam. Khua dêh čar rơkâo, Jơnum min mơnuih ƀon sang ƀôn prong Hồ Chí Minh gum hrŏm kjăp, mut hrŏm kơ bruă yua prăk kak hăng tơhnal pơkă wai lăng kiăng tañ ba glông pơđoh ia Tân Thuận lăi phara hăng djop akŏ bruă pơgăn ia blai lăi hrŏm tañ pơgiong, djru brơi tơlơi hơdip mơnuih ƀôn sang.