Lăng yom biă hơdôm tơlơi hơmâo, anŏ găl, hơdôm anih či ngă hrŏm dua bơnah, ơi Trần Thanh Mẫn rơkâo kơ tơring Thiểm Tây hăng hơdôm boh tơring ƀơi Việt Nam pơtrut ngă hrŏm kơtang hloh gah boh thâo ia rơgơi, apui lơtrik, ngă hmua mă yua boh thâo, jơlan nao rai, logistic, biă ñu lĕ jơlan rơdêh treng, pơtrut ngă hrŏm pơtô pơjuăt mơnuih mă bruă rơgơi, gru grua, čơkă tuai hyu ngui.

Khua pơ ala mơnuih ƀôn sang dêh čar ơi Trần Thanh Mẫn rơkâo dua boh tơring ječ ameč pơsit glăi hơdôm tơlơi či ngă hrŏm, pơtrut tuh pơ alin dua boh tơring, jing ngă hrŏm hmư̆ hing plah wah hơdôm boh tơring mơ̆ng dua boh lŏn ia.