VOV.Jarai-Mơguah lơ 15/6, Ping gah tơring čar Dak Lak pơphun Jơnum lăi pơthâo hơdôm tơlơi pơtrun kơ bruă ruah mơnuih apăn bruă. Khul git gai Ping gah tơring čar lăi pơthâo 15 tơlơi pơtrun kơ bruă pơpha mơnuih apăn bruă, ruah pơhrua hăng jao bruă phrâo ƀơi hơdôm anom pơphô bruă amăng Ping gah tơring čar hăng hơdôm boh să, phương amăng tơring čar.

VOV.Jarai-Mơguah lơ 15/6, ƀơi Ƀirô Ping gah, Khua git gai Ping gah, Khua mir sir ơi Tô Lâm git gai mông mă bruă hăng gơnong bruă pơtô pơjuăt hrŏm hăng hơdôm anom bruă bơdjơ̆ nao kơ bruă prap lui thun hrăm 2026-2027.

VOV.Jarai-Bơyan hơjan hlim ia ling dăo čơdong truh laih, lu anih juăt lŏn tơhroh mơ̆ng kriăng čư̆ jĕ plơi pla mơnuih ƀôn sang dŏ hăng ƀơi jơlan nao rai phun tơring čar Lâm Đồng ƀuh hơmâo tui laih.

VOV.Jarai-Ƀrô hơdor glăi tal 101 hrơi Hră pơhing phrâo hơkrŭ Việt Nam, tlam kơnôl 14/6, ƀơi sang bruă khua pơ ala mơnuih ƀôn sang dêh čar, Khua dêh čar ơi Lê Minh Hưng hăng Khua git gai pơ ala mơnuih ƀôn sang dêh čar ơi Trần Thanh Mẫn git gai hrŏm mông jơnum bưp ƀô̆ mơta hăng ƀing khua mua pơ ala djop sang bruă čih tơlơi pơhing.

VOV.Jarai-Amăng hrơi blan pơlir kual jai hrơi pơtrut kơtang, djop ƀon lan ƀơi kual Dap kơdư hăng ter hang ia rơsĭ dơnung tong krah glăk pok prong ngă hrŏm, tŭ mă klă tơlơi dưi pơhrua nao kơplah wah “Dap kơdư hăng ia rơsĭ” kiăng pơjing hơdôm gơnam tuai čuă ngui pơlir kual yôm phara. Mơng hơdôm jơlan hơdră pơlir anih tui nao, pơsur tuh pơ alin truh pơ man pơkra jơlan tuai čuă ngui phrâo, bruă pơlir kơplah wah glai rưng hăng ia rơsĭ ƀu djơ̆ kơnong pơtrut ngă pơhưč brơi tuai čuă ngui đôč ôh mơ̆ ăt pok rai anih pơđĭ kyar phrâo.

VOV.Jarai-Ơi Tạ Hồng Quang, Ding kơna Ping gah tơring čar, Khua git gai Ping gah, Khua Jơnum min pơ ala mơnuih ƀôn sang phương Nha Trang hơmâo ruah ngă Khua khul djru brơi Ping gah tơring čar Khánh Hòa.

VOV.Jarai-Tlam tom brơi (11/6), ƀơi Hà Nội, Khul djru brơi Ping gah pơphun jơnum klah čun mă bruă mơng Khul git gai pơplih pơkra phiah phiăn mơng hrơi akŏ pơjing truh ră anai hăng pơpŭ bơni brơi hơdôm khul grup, ƀing mơnuih hơmâo tơlơi dưi prong amăng bruă čih pơkra phiah phiăn.

VOV.Jarai-Mơguah lơ 11/6, rơbêh 35.000 čô čơđai tơring čar Dak Lak yak nao hrơi pơplông a amăng tal pơplông abih anih 12 thun 2026. Pơđut hĭ 120 mơnit ngă tơlơi hrăm Ngữ Văn mơguah, lu čơđai tơbiă mơng anih pơplông hăng pran jua hur har mơ-ak. Lu čơđai brơi thâo tơlơi pơplông anai giăm hăng jơlan hơdră pơtô hrăm, črăn đok hluh ăt amuñ hăng gah črăn pơplông nghị luận xã hội ăt ngă lu čơđai sư̆ rơbư̆ mơn.

VOV.Jarai-Tơring čar Gia Lai glăk ječ ameč pok pơhai “Bruă 500 hrơi mlăm pơtrut tañ ngă tui bruă hyu ĕp, pơƀut glăi hăng ĕp brơi anăn tơlang tơleh tơhan djai pơsăn drơi”, hăng hơnong pơkă hyu ĕp, pơƀut glăi 390 per tơlang tơleh tơhan hăng mă ADN hăng giăm 12.000 boh pơsat tơhan aka ƀu thâo anăn apăn.

VOV.Jarai-Ding kơna Khul apăn bruă Ping gah gơnong glông Khul mơnuih čih tơlơi pơhing Việt Nam Phạm Mạnh Hùng tŏ tu ngă khua khul pơlir khul mơnuih čih tơlơi pơhing Gong phun jua pơhiăp dêh čar Việt Nam rơwang thun 2026-2031.