VOV.Jarai-Kiăng dưi ngă djop tơhnal pơkă rơnoh pơđĭ kyar bơwih ƀong huă truh 2 mrô amăng thun 2026, Dak Lak hlăk pơtum pơsir hĭ anŏ ngă gun prong hloh bruă pơklaih ala lŏn hăng pơsir rơnoh prăk tuh pơ alin kơ bruă čar. Mơ̆ng Brua ngă jak iâu hmar hloh 45 hrơi mlam brơi pơklaih ala lŏn truh kơ bruă hruă kơjap bruă ngă djơ̆ tơlơi phiăn pơkă brơi mă yua rơnoh prăk, ba yua prăk brơi kơ hơdôm kơčăo bruă ngă kaih, lu hơdră pơtrun ngă khut khăt, kiăng hơmâo tơlơi pơblih ƀơi djop ring bruă phun.

VOV.Jarai-Ƀơi sang jơnum prong tơring čar Gia Lai, Ding jum Ngă hmua hăng Pơgang ayuh hyiăng ngă hrŏm Jơnum min mơnuih ƀôn sang tơring čar Gia Lai, jơnum pok pơhai akŏ bruă ngă tui pơsir hơdôm tơlơi pơtrun mơ̆ng kual Mi kô̆ (EC) hăng pok pơhai sa blan ngă tui khut khăt kiăng huăi soh glăi tơlơi pơkă hyu mă akan hơdang amăng ia rơsĭ tui ơlơi pơtrun IUU.

VOV.Jarai-Ƀơi sang bruă kơnuk kơna, Kơ-iăng khua dêh čar, ơi Lê Tiến Châu git gai jơnum Khul pơčrâo bruă man pơdong sang hră dua gưl ƀơi djop să guai dêh čar, jơnum online hăng khua mua djop tơring čar pơčrong sai hrŏm.

VOV.Jarai-Mơguah kơnôl 16/8, grup pel ĕp, krăo lăng mrô 235 mơng Ding jum kơđi čar, Khul git gai Ping gah yua ơi Nguyễn Thanh Nghị, Khua anom hơdră bruă hăng jơlan gah bruă mă yôm phăn gơnong glông ba jơlan hlâo, lăi pơthâo tơlơi pơsit pel ĕp, krăo lăng thun 2026 hăng Khul apăn bruă Ping gah tơring čar Dak Lak.

VOV.Jarai-Grup khua mua Ping gah Cộng sản Việt Nam yua ơi Lê Hồng Quang, kơ-iăng Khua anom bruă pơphô bruă gơnong glông ba jơlan hlâo grup khua mua nao čuă hăng mă bruă ƀơi dêh čar Brazil.

VOV.Jarai - Hơmâo kual lŏn pơjing rai gơnam prong hăng hơmâo jơlan tơbiă nao pơ ia rơsĭ tơdơi kơ pơmut hrŏm, Dak Lăk glăk hơmâo tơlơi gêh găl prong biă gah bruă pơkra gơnam hiam, klă hloh. Khă hnun, kiăng dưi ngă bruă anai, tơring khŏm pơklaih hĭ anŏ kơđông anih anom logistics, hăng pơtruh nao rai hơdôm kual. Anai jing bruă hơmâo lu mơnuih kơhnâo, sang bruă bơwih ƀong pơƀut sem lăng ba pơčrông ƀơi mông Jơnum đĭ kyar kual sang măi pơkra gơnam hiam hloh, klă hloh laih anun logistics pơlir kual yua Jơnum min mơnuih ƀôn sang tơring čar Dak Lăk pơphun.

VOV.Jarai-Pơphun mơ̆ng kơnôl 15/8 truh kơnôl 2/9, anai lĕ tal jơnum ngui prong biă mă gah bruă boh sầu riêng durian Dak Lak tom ngă. Jơnum tal anai, hơmâo 17 bruă ngă lăp đing nao, pơphun ƀơi phường Ƀuôn Ma Thuôt, ƀơi să Krông Pač, phường Tuy Hòa dơ̆ng, hrŏm hăng lu să, plơi pla pơkŏn hơmâo đơ đam lŏn pla boh durian prong amăng tơring čar Dak Lak. Jơnum bruă Sầu riêng Dak Lak thun 2026, ƀu kơnong kiăng pôr pơhưč gơnam ƀong huă đôč ôh, dŏ akŏ pơjing bruă ngă lăi pơthâo anih anom mă bruă, pla pơjing hăng pok prong anih ba sĭ mơdrô hăng pơđĭ rơnoh gơnam sĭ mơdrô hơđong kơjăp djru ba mơnuih ƀôn sang ngă hmua pla pơjing.

VOV.Jarai - Khua tơhan krên dên Đại tướng Trịnh Văn Quyết, Khua anom pơtô bruă Ping gah dêh čar phrâo pơhmư̆ hăng git gai “Hrơi abih bang mơnuih pơgang rơnuk rơnua Lŏn ia” thun 2026 ƀơi phường Hoài Nhơn Bắc, tơring čar Gia Lai. Pơhiăp ƀơi mông jơnum, Đại tướng kiăng bong kjăp rơnuk rơnua, khŏm pơphun mơ̆ng pran jua ană plơi pla, laih anun kiăng tơring čar Gia Lai lông ngă lăng akŏ pơdong phường xã hội chủ nghĩa abih bang bơkơnar, ngă pô.

VOV.Jarai - Amăng tal nao čuă gưl kơnuk kơna pơ New Zealand, tom brơi kơnôl 13/8, Khua ping gah, Khua mir sir ơi Tô Lâm hơmâo mông ƀưp, jơnum hrŏm hăng Khua dêh čar New Zealand ơi Christopher Luxon.

VOV Mơguah kơnôl 13/8, tơdơi kơ mông čơkă jum kơdrưh ƀơi Sang bruă Khua pơ ala kơnuk kơna, ƀôn prong Auckland, New Zealand, Khua ping gah, Khua mir sir ơi Tô Lâm hơmâo bưp Khua apăn akŏ lŏn ia New Zealand, yă Dame Cindy Kiro.