Tlam tom brơi kơnôl 18/10, ƀơi Sang bruă Kơnuk kơna, Khua dêh čar ơi Lê Minh Hưng bưp Khua dêh čar Liechtenstein yă Brigitte Haas. Ƀơi mông pơbưp, Khua dêh čar ơi Lê Minh Hưng pơsit, Việt Nam lăng yom tơlơi rô nao rai hăng Liechtenstein, lăng yom tơlơi kơdrưh, hmư̆ hing, hăng anŏ kơtang mơ̆ng Liechtenstein amăng boh thâo ia rơgơi, pơčeh phrâo, prăk kăk, măi mok hăng pơtŏp rơguăt mơnuih mă bruă rơgơi.

Lăi nao kơ jơlan gah ngă hrŏm pơ anăp, dua čô Khua dêh čar tŭ ư bơjơnum djŏp gưl, pơtrut ngă hrŏm hăng pok prong bruă ngă hrŏm amăng hơdôm bruă dua bơnah dưi ngă, hơmâo lu anŏ gêh găl, laih anun dưi pơhrua, djru nao rai kah hăng prăk kăk, boh thâo măi mok, pơčeh phrâo ia rơgơi, boh thâo mrô hăng pơkra gơnam mă yua măi mok yom./.