Jơnum anai hơmâo pơdah brơi abih bang mơnuih ƀôn sang lăng pơtui hmao ƀơi anăp amăng tivi, pơtui jua pơhiăp pôr amăng brô̆ hăng lu jơlan gah tơlơi pơhing atur mrô, hơmâo pơdah thâo mơ̆ng anih phun jơnum hăng djop sang bruă, gơnong bruă ƀơi dêh čar, djop tơring čar, plơi pla, sang bruă kơnuk kơna amăng dêh čar dưi pơhmư̆ hrŏm.

Bruă lăi pơthâo boh yom phun hră pơtrun anai, kiăng ƀing khua mua, mơnuih ping gah, biă mă ñu khua sang bruă ping gah, khul ping gah, khua sang bruă kơnuk kơna kiăng thâo ten boh yom phun lăi nao, anŏ pơblih phrâo amăng hră pơtrun jơnum lok pă khua apăn bruă ping gah dêh čar tal XIV. Mơ̆ng anun, kiăng pơđĭ tui tơlơi thâo hluh, bruă glăm ba, gơgrong phun amăng bruă ngă tui, pơblang rơđah pioh ba yua ngă tui amăng bruă ngă rĭm hrơi, čih pơmut amăng akŏ bruă či ngă kiăng hơmâo boh tơhnal tŭ yua hloh. Boh yom phun hrăm, pơtô ten glăi tal anai, lăi nao anŏ pơblih phrâo, tơlơi yom phun, aliăng amăng bruă ngă čih ber, amuñ thâo hluh, tañ hơdor pioh, amuñ pok pơhai ngă tu; lir hơbit hăng bruă hrăm tui, pơtô glăi ten hăng bruă ĕp lăng, pơtong glăi tơlơi thâo hluh hăng pơphun pok pơhai ngă tui. Mơ̆ng anun, kiăng bơtŭ ư sa hnơ̆ng hăng pơphun ngă bruă tui jơlan hơdră, hră pơtrun yom mơ̆ng gơnong dlông.