300 čô khua pơ ala ƀing hlăk ai mut phung rơbêh 21 klăk čô hlăk ai amăng đơ đam dêh čar nao pơhmư̆ hrŏm mông bơră ruai hăng khua dêh čar. Ƀơi mông bơră ruai, Khua dêh čar ơi Lê Minh Hưng čih pioh, lăng yom pran jua mă bruă glăm ba, tơlơi pơmin thâo rơgơi hăng anŏ kiăng prong mơ̆ng hlăk ai Việt Nam.

Đăo kơnang hăng bơni kơ tơlơi glăm ba, gơgrong mơ̆ng hlăk ai kơsung nao hlâo pran jua hlăk bluh, Khua dêh čar iâu pơthưr hlăk ai, tơdăm dra kơsung nao hlâo pơblih tơlơi pơmin, hrăm tui lu tơlơi kiăng thâo, ƀư̆ pơkra pran jua tơlơi khin hơtai dưi bong glăi, kiăo tui hmao anŏ kiăng rơnuk anai, amăng bruă mă phrâo hlăk pơblih kơtang; laih dơ̆ng pơtă kơ ƀing hlăk ai khom tŭ mă, pơsir lu tơlơi jŭ yap, pơmin pơprong yua djop ding jum anom bruă ƀơi gơnong dlông hăng djop tơring čar, ƀôn prong pơphô brơi laih.