VOV.Jarai - Tlam lơ 5/4, ƀơi sang bruă Kơnuk kơna, Khua dêh čar ơi Phạm Minh Chính tŭ jum Khua anih jưh pơ ala dêh čar Khač ƀơi Việt Nam ơi Hà Vĩ.

VOV.Jarai-Thun tuai čuă ngui dêh čar 2026 yua tơring čar Gia Lai pơphun tŏ tui ngă lar hyu kơtang, pơhưč lu tuai čuă ngui amăng lŏn ia hăng tač rơngiao. Hrơi mông ngui ngor ăt tŏ tui dik dak ƀơi hơdôm anih tuai čuă ngui, hăng mrô tuai čuă ngui đĭ kơtang amăng hơdôm hrơi blung a tơdơi kơ pơphun hơdôm tơlơi ngui ngor, pok rai tơlơi pơplih kơtang brơi gơnong bruă tuai čuă ngui amăng ƀon lan.

VOV.Jarai-Jơnum min mơnuih ƀôn sang tơring čar Gia Lai jơnum khul git gai wai lăng hăng pơhlôm hơđong nua gơnam kiăng pok pơhai hơdôm hơdră wai lăng sĭ mơdrô lơm lu gơnam tam kiăng yua đĭ nua pơmă.

VOV.Jarai-Ƀrô tê̆t tui phiăn juăt Bumpimay thun 2026 kơ mơnuih ƀôn sang djop djuai ania Lao, tom brơi (5/4), Grup hyu mă bruă mơng anom bruă git gai ling tơhan ƀôn prong Đà Nẵng nao čuă, ƀơk gơnam, khăm hăng ƀơk jrao soh sel brơi mơnuih ƀôn sang tơring glông Đắc Chung, tơring čar Sê Kông, dêh čar Lao.

VOV.Jarai-Hrơi anai, lơ 6/4/2026, jơnum tal blung a, Khua pơ ala mơnuih ƀôn sang dêh čar Việt Nam tal XVI pơphun yôm phăn ƀơi Ƀirô Khua pơ ala mơnuih ƀôn sang dêh čar, plơi prong jưh jom Hà Nội.

VOV.Jarai - Ƀơi tơring čar Dak Lăk, bruă mă mơ̆ng Khul hlăk ai glăk pơplih mơ̆ng iâu pơthưr jing bruă ngă sit hlao, kiăo tui tơlơi kiăng mơ̆ng rim plơi pla. Mơ̆ng djru ba neh wa ĕp mut ngă hră amăng plang internet, pơtruh pơčeh phrâo, mă yua boh thâo mrô, truh kơ kơsung nao hlâo djru neh met wa lơ̆m hơmâo tơlơi truh lŏn adai ngă, lu hơbô̆ bruă phrâo jing râu mơdưh, pơtrut tui pran jua gơgrong, pơčeh phrâo mơ̆ng hlăk ai tơdăm dra, mơ̆ng anun pơsit tơlơi gơgrong mơ̆ng hlăk ai amăng rơnuk đĭ kyar phrâo.

VOV.Jarai - Tlam lơ 2/4, ƀơi Sang bruă Kơnuk kơna, Khua dêh čar ơi Phạm Minh Chính tŭ jum Khua jơnum min Pel ĕp, pơkă anŏ găl kơđi dêh čar Belarus Volkov Alexei Aleksandrovich glăk rai čuă, mă bruă ƀơi Việt Nam.

VOV.Jarai - Tom brơi (2/4), Khul khua pơ ala mơnuih ƀôn sang dêh čar tơring čar Dak Lăk pơphun Jơnum bơlăi nao tơlơi pơhing hlâo kơ Jơnum lok Sa, Khua pơ ala mơnuih ƀôn sang dêh čar tal XVI, kiăng tum pơƀut tơlơi rơkâo đĭ mơ̆ng tơring čar, djru ngă pơgiong tơlơi pơtrun, tơlơi phiăn hăng pơtrut đĭ kyar bơwih ƀong huă - mơnuih mơnam.

VOV. Jarai-Tơring čar Lâm Đồng hlăk ai ngă tui bruă jŭ yap glăi pioh ming pơkra hơdră man pơdong ƀut tuh tia pơkra ming sang măi mơ̆ng thun 2026-2030 hăng anăp pơ tơdơi adih hăng bruă ba nao pơdong ƀơi kual ter hang ia rơsĭ.

VOV.Jarai-Mơguah lơ 2/4, ƀơi anih anom gru dêh čar djă pioh anăm plơi đưm Quảng Trị, Khul khua git gai mơ̆ng dêh čar brơi hơduah ĕp, rŭ tơlang hăng pơsit anăn tơhan djai pơsăn drơi jăn yua kơ lŏn ia, jơnum ngă yang prong biă mă kiăo tui bruă ngă “Gir run 500 hrơi mlam hyu hơduah ĕp, rŭ tơlang hăng pơsit anăn tơhan djai pơsăn drơi jăn yua kơ lŏn ia”.