VOV.Jarai - Tlam kơnôl 9/8 ƀơi plơi prong jưh jom Vientiane, Khul khua prong mơ̆ng Ping gah, Kơnuk kơna Việt Nam yua Khua pơ ala mơnuih ƀôn sang dêh čar ơi Trần Thanh Mẫn ba jơlan nao mơyut jôk rơgŏm ơi Saysomphone Phomvihane, Ding kơna ding jum kơđi čar, Khua pơ ala mơnuih ƀôn sang dêh čar Lao.

VOV.Jarai-Tơring čar Dak Lak him lăng či pơhrŏ 51% mrô sang bruă pơtô hrăm gah kơnuk kơna wai lăng tơdơi kơ dăp glăi khul sang hră, anih hrăm. Anai lĕ hơdră bruă dăp glăi lu hăng prong biă mă, khul apăn bruă phun ping gah tơring čar Dak Lak lăi pơthâo ƀơi mông jơnum lok 27. Hăng hơbô̆ bruă dăp glăi prong anai, tơhnal pơkă ngă hiư̆m pă pioh ngă hơbôt hloh, mă yua tŭ yua  hloh mơnuih mă bruă sang hră, gơnam yua djơ̆ lăp huăi bơbeč djơ̆ bruă pơtô hăng hrăm ôh.

VOV.Jarai - Tlam mơmot kơnôl 6/8, ƀơi Sang bruă pơ ala mơnuih ƀôn sang, Khua pơ ala mơnuih ƀôn sang dêh čar ơi Trần Thanh Mẫn tŭ jum Khua anih jưh pơ ala dêh čar Mi ƀơi Việt Nam yă Jennifer Wicks, ƀrô hrơi Khua anih jưh pơphun hrơi mă bruă ƀơi Việt Nam.

VOV.Jarai - Kơnôl 6/8, Khul khua pơ ala mơnuih ƀôn sang tơring čar Gia Lai pơphun bưp mơnuih ƀôn sang ƀơi phường Quy Nhơn - anih hơmâo tơring čar prăp rơmet akŏ pơdong plơi prong čơkă tuai hyu ngui rơnuk rơnua, jê̆ giăm, thâo čơkă tuai.

VOV.Jarai-Kơnôl 06/08, Khul pơ ala mơnuih ƀôn sang Dak Lak jơnum pơčrong sa hnơ̆ng bruă tal Dua, pơsit hĭ 11 mơta hră pơtrun yom kiăng ngă tui tum teč hloh, jơlan hơdră, hră pơtrun jing atur pơtrut pơđĭ kyar bơwih ƀong huă-mơnuih mơnam, pơgang lŏn ia, rơnuk rơnua dêh čar mơ̆ng thun 2026-2030.

VOV.Jarai-Či tlam kơnôl 06/08, ƀơi sang bruă kơnuk kơna, Khua dêh čar ơi Lê Minh Hưng hơmâo čơkă khua pơ ala mơnuih ƀôn sang dêh čar pơtao Thai Lan, ơi Sophon Zaram hlăk rai čuă jơmư sit nik Việt Nam.

VOV.Jarai - Khua jơnum min mơnuih ƀôn sang tơring čar Quảng Ngãi phrâo kiăng hơdôm gơnong bruă, tơring tơrang ƀon ƀut pơƀut pơklaih brơi đut tơhnal hơdôm anŏ kơđông kơ čuk pơkra pơklaih ala lŏn, gơnam či man pơdong, hăng tơlơi gơgrong mơ̆ng pô ngă, kiăng hơmâo tơlơi pơplih prong đah mơ̆ng dưi đĭ kyar 9% amăng thun anai.

VOV.Jarai - Mơguah kơnôl 6/8, ƀơi Hà Nội, Khua dêh čar ơi Lê Minh Hưng, Khua anom git gai wai lăng Rơnuk rơnua internet dêh čar, nao pơhmư̆ mông ngă lơphet Hrơi Rơnuk rơnua internet Việt Nam (6/8/2024-6/8/2026) amăng lu črăn jơnum yua Khul git gai Rơnuk rơnua plang internet dêh čar ngă hrŏm hăng Ding jum Kông an pơphun hăng anăn “Yua kơ sa anih mă yua internet klă hiam kơ rim čô mơnuih”.

VOV.Jarai-Ngă tui tơlơi pơtrun mrô 57 mơng Ding jum kơđi čar, tơring čar Lâm Đồng glăk pơtrut yua boh thâo phrâo, boh thâo măi mok, pơplih pơčeh phrâo hăng pơplih mrô amăng rĭm bruă pơkra pơjing. Mơng bruă ba sĭ mơdrô gơnam kơsem min truh pơ bruă pơgiong glông rơnoh, tơring čar glăk anăp nao pơkra jing gơnam klă hloh hăng đĭ tui pran bơkơtưn, ba glăi tơlơi pơtrut phrâo amăng pơđĭ kyar bơwih ƀong huă.

VOV.Jarai- Mơguah kơnôl 06/08, Khua ping gah, khua mir sir ơi Tô Lâm mă bruă hăng ping gah amăng anom bruă kơnuk kơna dêh čar hăng djop sang bruă ngă tui Hră pơtrun mrô 13 mơ̆ng Gơnong dlông hăng Hră klah čun mrô 72 mơ̆ng Ding jum kơđi čar tal XIII kơ bruă man pơdong anŏ găl atur kơ bruă man pơdong kiăng ngă djơ̆ sa hnơ̆ng, ba lŏn ia ta jing lŏn ia mă bruă hăng măi mok phrâo pơ anăp adih.