Thun 2026, Dak Lăk hơmâo 5 kơčăo bruă ODA glăk hơmâo ngă, hăng prăk tuh pơ alin rơbêh 2.836 klai prăk. Mrô prăk mơ̆ng tač rơngiao hơmâo jao amăng thun anai giăm 704 klai prăk, brơi nao abih tih 100% mơtăm yơh kơ hơdôm kơčăo bruă. Khă hnun, truh kơnôl 30/9, mrô prăk hơmâo brơi nao kơnong hơmâo giăm 174 klai đôč, dưm dưm hăng 25% akŏ bruă jao.

Rơwang thun 2026-2030, Dak Lăk kiăng iâu pơthưr prăk ODA laih anun prăk čan kơmlai aset mơ̆ng tač rơngiao kơ hơdôm ring bruă pơkra jơlan pơtruh nao rai kual, dơnao kŏng ia, ayuh hyiăng, bong glăi ayuh hyiăng laih anun đĭ kyar plơi prong. Kiăng bang hyu anŏ klă mơ̆ng ODA, Kơ-iăng khua jơnum min mơnuih ƀôn sang tơring čar Dak Lăk ơi Nguyễn Thiên Văn, kiăng bruă iâu pơthưr pơgôp prăk bơwih ƀong djơ̆ akŏ, djơ̆ bruă, lăp djơ̆ hăng anŏ kiăng đĭ kyar mơ̆ng tơring čar laih anun jơlan gah ngă bruă mơ̆ng sang bruă djru prăk kăk./.