VOV.Jarai-Mơng sa tơlơi pơčeh tui tơlơi rơkâo sit nik, tơring čar Gia Lai hơmâo pơjing rai gơnam yua gah boh thâo ia rơgơi ană mơnuih pơčeh (AI) djru ngă brơi hră pơ-ar kơ lŏn mơnai. Tơdơi kơ rơbêh dua blan mă yua, boh thâo phrâo anai dưi pơplih bruă ngă brơi hră pơ-ar gưl să, ba glăi lu tơlơi gêh gal kơ mơnuih ƀôn sang.

VOV.Jarai-Ƀơi Sang bruă Kơnuk kơna, Kơ-iăng khua dêh čar, ơi Lê Tiến Châu git gai jơnum mă bruă hăng Ding jum Pơtô hăng Pơjuăt, hăng ƀing mơnuih rơgơi kơhnâo, kơsem min ia rơgơi phrâo hăng ƀing khua mua apăn bruă git gai amăng bruă pơtô hrăm, kiăng pơđing hmư̆ tơlơi pơgôp hiăp kơ hơdôm tơlơi pơprong amăng bruă pơtô hrăm.

VOV.Jarai-Tơring čar Lâm Đồng hlăk pơtum pok pơhai lu hơdră kiăng pơđĭ tui boh tŭ yua bruă git gai wai lăng, pơgang atur jơlan glông nao rai, prăp lui hơdră pơhlom, pơgang tơlơi truh sat lŏn adai ngă ia ling dăo.

VOV.Jarai-Pơhiăp pơđut jơnum lok 4, Jơnum min apăn bruă phun pơ ala mơnuih ƀôn sang dêh čar či tlam kơnôl 29/7, Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, boh tŭ yua mơ̆ng jơnum lok anai ƀu kơnong jŭ yap hăng rơnoh hơdrôm hră tơlơi phiăn čih pơkra, hră pơtrun hơmâo pơsit đôč ôh, dŏ yom hloh lĕ bruă pơtrun yom anun dưi pơsir anŏ dŏ kơđông, ngă hruaih kơ bruă či ngă, jing atur gêh găl brơi pơđĭ kyar hăng pơđĭ tui tơlơi hơdip mơda kơ Mơnuih ƀôn sang.

VOV.Jarai-Tlam kơnôl 29/7 ƀơi Ƀirô Ping gah, Khua git gai Ping gah, Khua mir sir ơi Tô Lâm git gai mông mă bruă hăng hơdôm anom bruă bơdjơ̆ nao kơ bruă pơplih pơkra amăng Grup mă hơdăng-gơnam amăng atur lŏn Việt Nam.

VOV.Jarai - Yến sào jing sa amăng hơdôm mơta gơnam nua yom biă mơ̆ng tơring Khánh Hòa, djru brơi hơdôm rơbâo čô mơnuih hơmâo bruă mă, hăng ba glăi prăk lu mơn kơ tơring čar. Khă hnun, jai hrơi hơmâo lu tui gơnam arăng pơkra mă ča čot, hyu leč mă đôč, ƀu klă ôh, anun yơh ngă sat kơ anăn gơnam, hơmâo tơlơi hmư̆ ư sat, gơnam ba sĭ hăng prăk pơhrui glăi mơ̆ng mơnuih bơwih ƀong tơpă jing rơngiă tui mơn.

VOV.Jarai - Khul wai lăng anih gru đưm sang mơnă Hỏa Lò ngă hrŏm hăng Sang djă pioh gru đưm Dak Lăk phrâo jơnum pơdă prưng boh pia “Kơtưn ĕp tơlơi rơngai” ƀơi phường Buôn Ma Thuột.

VOV.Jarai-Mơguah kơnôl 29/7, Ding jum kơđi čar pơphun jơnum đơ đam dêh čar hruă kjăp hăng pok pơhai tơlơi pơtrun mơng jơnum gơnong glông lok 3 tal XIV.

VOV.Jarai-Kiăng djop mơnuih ngă bruă gah ia jrao hăng pơđĭ tui boh tŭ yua pơgang tơlơi suaih pral kơ mơnuih ƀôn sang ƀơi plơi pla jing sa bruă mă ruă akŏ pơmin jŭ yap kơ bruă wai lăng tơlơi suaih pral ƀơi Gia Lai. Ƀơi tơring čar anai, lơ̆m ngă tui gong gai kơnuk kơna dua gưl, mrô mơnuih ƀôn sang khom bơwih brơi pơkă dưm dưm mơ̆ng rim boh sang ia jrao să đĭ lu tui mơ̆ng rơbêh 9.700 čô mơnuih truh 26.800 čô mơnuih. Mah abih bang sang ia jrao să hơmâo laih ơi ia jrao, samơ̆ ƀuh rơđah ăt hlăk dong ƀơi  anăp mrô kơƀah ơi ia jrao truh 500 čô či ngă bruă.

VOV.Jarai-“Hơdră ngă bruă 500 hrơi mlăm hyu ĕp, klơi pơƀut hăng ĕp anăn krăn pô tơhan djai pơsăn drơi jăn” glăk ba glăi boh tŭ yua blung a ƀơi Dak Lak. Ƀu djơ̆ kơnong djru ba tơlang tơleh tơhan glăi pơ plơi pla, hơdră bruă anai ăt ba glăi tơlơi čang rơmang kơ hơdôm rơbâo boh sang anŏ ăt glăk dŏ tơguăn pô sang, pơsit tơlơi glăm ba hăng pran hơdor tơngia hăng ƀing mơnuih tuh drah pơčah asar yua kơ lŏn ia.