Khua git gai Ping gah, khua mir sir rơkâo Khul tơhan kông ang hơđăp djop gưl jing anih hrŏm hơbit, pơlir pran khăp pap tơdruă, đing nao bơwih brơi tơlơi suaih pral, tơlơi hơdip mơda, sit biă ñu lĕ hăng ƀing ding kơna tơnap tap. Khul kiăng tŏ tui gơgrong phun amăng bruă wai pơgang rơnuk rơnua lŏn ia; gum hrŏm hăng tơhan kông ang hăng gong gai ƀon lan wai lăng, pơtô pơblang brơi ƀing mơnuih amuñ ngă soh; laih dong jing anih tơkuh nao rai ba tơlơi črâo trun, hơdră bruă, tơlơi phiăn mơng Ping gah hăng Kơnuk kơna tơl mơnuih ƀôn sang.

Khua git gai Ping gah, Khua mir sir ăt rơkâo Khul đing nao pơtô hrăm gru grua khăp kơ lŏn ia, pran sông kơtang hăng gru grua hing ang mơng tơhan kông ang brơi rơnuk tơdơi; tŏ tui pran đăo gơnang, tơlơi găn rơgao mơng djop rơnuk tơhan kông ang hơđăp amăng pơjing tơlơi hơdip gru grua, wai pơgang rơnuk rơnua, hơđong ƀơi anih dŏ hơdip. Ding jum kông ang hăng Jơnum min djop djuai ania mơnuih mơnam Việt Nam rơkâo kơsem min, ba tơbiă tơhnal pơkă, hơdră bruă lăp djơ̆ kiăng Khul ngă tui klă bruă Ping gah, Kơnuk kơna jao.