Đĭ pơhiăp amăng mông jơnum, Kơ-iăng Khua Ding jum boh thâo phrâo hăng boh thâo ia rơgơi Trần Trung Tính brơi thâo, tui tơlơi pơtrun mrô 21/2026, Khua dêh čar hơmâo pơtrun hơdôm boh thâo akŏ phun hăng gơnam boh thâo ia rơgơi phun. Việt Nam pơsit 10 boh thâo phun, amăng anun hơmâo boh thâo măi mok phrâo, boh thâo lượng tử, boh thâo sinh học hăng ia jrao pơplih phrâo, kiăng đing nao ngăn rơnoh, pơhưč tuh pơ alin, pơtrut kơsem min, mă yua hăng ngă pô amăng hơdôm boh thâo akŏ phun.

Amăng hrơi blan ngă tui tơlơi pơtrun mrô 57 kơ pơđĭ kyar boh thâo phrâo, boh thâo ia rơgơi, pơplih pơčeh phrâo hăng pơplih mrô, jơnum lăi pơtong tơlơi rơkâo pơplih phrâo tơlơi pơmĭn, ba boh thâo phrâo hăng boh thâo ia rơgơi jing tơlơi pơtrut djru pơđĭ kyar. Ƀing kơhnâo kơhnăk đing nao pơlăi nao rai kơ boh thâo ia rơgơi mơnuih pơčeh rai, boh thâo lượng tử, boh thâo yua hơđong, apui lơtrik ayuh, pơplih apui lơtrik yua hăng hơdôm bruă boh thâo phrâo, boh thâo ia rơgơi glăk ba tơbiă kiăng mă yua.