Lăi pơtong kơ bruă či ngă hrŏm dŏ prong anŏ gêh găl, tơring čar Lâm Đồng čang rơmang ba gơnam sĭ mơdrô akan hơdang, kơphê, bơnga, boh troh đang hmua hăng djop mơta gơnam pơkra ming pioh sĭ mơdrô, ba nao pơ dêh čar Hàn Quốc.

Laih dơ̆ng pơblih blơi gơnam sĭ mơdrô nao pơsit rơnoh sĭ mơdrô. Anom bruă sĭ mơdrô mơ̆ng Hàn Quốc amra ngă hrŏm tuh pơ alin pơkra ming, boh thâo ia rơgơi ming pơkra, djă pioh, anung gơnam, pơsit anih pla pơkra ming kiăng thâo krăn phun tơdŭ, sang bruă, anăn pô gơnam sĭ mơdrô hơmâo akŏ pơjing mơ̆ng tơring čar Lâm Đồng anih sĭ mơdrô prong. Ră anai, tơring čar Lâm Đồng hơmâo 37 kơčăo bruă mơ̆ng dêh čar Hàn Quốc tuh pơ alin hăng rơnoh prăk 279 klăk USD. Amăng 9 blan thun 2026, rơnoh sĭ mơdrô mơ̆ng Lâm Đồng ba nao pơ dêh čar Hàn Quốc rơbêh 56 klăk USD. Rơnoh prăk blơi pơmut mơ̆ng Hàn Quốc ƀơi Lâm Đồng hơmâo 7, 8 klăk USD.