Tui hăng anun, kơčăo bruă pok prong atur jơlan truh 24,75 m, čuk pơkra ngă pơgiong djop hnơ̆ng pơkă 4 boh rơdêh nao sa amăng plĕ, hơmâo jơlan pioh weh nao jưh sit  ječ ameč, jơlan rơdêh đuăi hmar dưi pơkă  hnŏng truh 100 km lŏm sa mông. Bruă ming pơkra glăi hnơ̆ng pơkă atur jơlan anai tuh pơ alin sa hnơ̆ng, pơđĭ tui tơlơi tŭ yua lơ̆m ba yua jơlan anai. Kơčăo bruă anai čuk pơkra glăi giăm 74 km, anih tơkuh blung a ƀơi phường 1 -Bảo Lộc, anih tơkuh ƀơi rơnuč tal sa či Tân Phú-Bảo Lộc; anih tuč rơnuč ƀơi să Hiệp Thạnh, jơlan tơkuh nao rai hăng jơlan rodêh đuăi hmar Liên Khương-Prenn.

Hrŏm hăng bruă pok pơhư prong jơlan, kơčăo bruă pơhrua nao rai nao dơ̆ng man pơkra jơlan tơkuh Gia Hiệp hăng ring bruă bơwih brơi kơ mơnuih ƀôn sang rô nao rai klă hloh. Hăng anŏ pơblih glăi anai, rơnoh prăk tuh pơ alin abih tih 19.000 klai prăk. Amăng anun, rơnoh pră kơnuk kơna djru lĕ 47%, dŏ glăi jak iâu djop anom bruă tuh pơ alin. Bruă čuk pơkra glăi jơlan anai, him lăng ngă giong amăng klâo blan tal III thun 2028, ngă giong ba yua amăng klâo blan tal IV thun 2028. Laih ngă giong jơlan rơdêh đuăi hmar Bảo Lộc-Liên Khương amra pơtruh nao rai hăng lu jơlan glông tơkuh nao rai amăng kual Ngŏ Dơnung hăng kual Dap Kơdư Lâm Đồng, pơtrut pơđĭ kyar bơwih ƀong huă mơnuih mơnam, tuai čuă ngui hăng pơhưč tuh pơ alin.