Pơhiăp git gai jơnum, Khua ping gah, Khua mir sir ơi Tô Lâm lăi pơtong, tŏ tui hơdôm bruă mă pơsit yom djop hră pơtrun mơ̆ng akŏ rơwang bruă, Jơnum lok tal anai ngă pơrơđah hloh, djop hră pơtrun jơnum prong ruah khua ping gah tal XIV, lir hơbit hăng ping gah git gai wai lăng gưl dêh čar hăng pơđĭ kyar lơ̆n ia. Gơnong dlông hơmâo bơtŭ ư anăp ngă bruă kơsem min hơdôm tơlơi atur mơ̆ng ping gah hăng jơlan hơdră pơđĭ kyar sui thun  kơ lơ̆n ia.

Khua ping gah, khua mir sir brơi thâo, gơnong dlông hơmâo pơtrun lu jơlan hơdră phrâo kiăng pơđĭ tui tơlơi thâo pơblih lơ̆m bruă mă, ƀư̆ pơkra glăi tơlơi tơpă amăng ping gah hăng glông bruă kơđi čar. Gơnong dlông hơmâo pơsit hră pơtrun kơtưn akŏ pơdong ping gah hăng gong gai kơnuk kơna mă bruă tơpă, rơgoh, kơtang, hlom bom, ngă djơ̆ anŏ kiăng pơđĭ kyar kơ lơ̆n ia amăng rơnuk pơblih phrâo lơ̆n ia. Gơnong dlông hơmâo pơsit pơblih phrâo amăng bruă ruah khua, jao tơlơi dưi hăng jơlan hơdră pơhưč mơnuih kơhnâo kơhnăk mă bruă, prăp lui ĕp khul mơnuih ngă bruă djop anŏ kiăng kơ dêh čar. Tơdơi kơ mông jơnum, Khua ping gah, khua mir sir ơi Tô Lâm pơtrun hiăp brơi ngă pơrơđah hloh hmao kru, djop tum teč abih bang hră pơtrun, jơlan hơdră kiăng ngă giong tañ bruă mă thun 2026, ngă atur pioh kơ thun 2027 pơđĭ kyar hmar hloh, kơtang hloh, kơtưn pel ĕp, lăng sŭ bruă ngă tui hăng pơđĭ tui tơlơi gơgrong ba mơ̆ng mơnuih ƀôn sang.