Ƀơi mông mă bruă, dua bơnah hơmâo pơčrong sai nao rai bruă pơtrut tui tơlơi ngă giăng mah, yom phara plah wah Việt Nam hăng dêh čar Nga lơ̆m bruă ngă jơlan hơdră pơtom hiăp rơngai, ngă pô mơ̆ng Việt Nam; pơčrong sai kơ hơdôm bruă mă ngă hrŏm phun hăng anŏ gêh găl hrơi blan pơ anăp.

Ƀing khua mua dua bơnah ăt pơčrong sai nao rai, tơlơi gêh găl gah dêh čar Nga hơmâo kah hăng boh thâo ia rơgơi phrâo; pơčrong sai kơ bruă pơtô hrăm mơnuih mă bruă hăng bruă kơsem min kiăng pơhlom brơi bruă ngă hrŏm pơđĭ kyar hơđong kơjăp, tŭ yua sui thun. Ơi Nguyễn Thanh Nghị čang rơmang ƀing ding kơna amăng grup khua mua dêh čar Nga, hăng tơlơi gơgrong ba mơ̆ng pô, amra jing pô pơtruh nao rai kơ dua khua mua dua bơnah, djru pơtrut tui bruă ngă pŭ ƀăn gru grua mơ̆ng đưm plah wah Việt Nam hăng Nga jai hrơi pơđĭ kyar hloh, hiam klă tui, hơđong kơjăp yua anŏ mơak hăng pơdrong sah kơ dua bơnah dêh čar.