Đĭ pơhiăp amăng mông jơnum, ơi Lâm Hải Giang, kơ-iăng Khua Jơnum min mơnuih ƀon sang tơring čar Gia Lai pơsit tong tơlơi pơtrun mrô 57 mơng Ding jum kơđi čar pơsit tong boh thâo phrâo, boh thâo ia rơgơi, pơplih pơčeh phrâo hăng pơplih mrô lĕ tơlơi pơtrut phun pơđĭ kyar lŏn ia, glăk ba tơbiă tơlơi dưi hăng tơlơi glăm bao brơi ƀing kơhnâo.

Tơring čar Gia Lai čang rơmang hmư̆ tơlơi pơgôp hiăp  mơng ƀing kơhnâo, wŏt tơlơi sit nik amăng tơring čar Gia Lai hăng hơdôm tơlơi ngă tơnap amra ƀuh. Amăng mông jơnum, ƀing mơnuih nao jơnum hơmâo hơdôm mông pơčrông sai kơ boh thâo phrâo, pơtom hiăp hăng bruă čih pơkra hơdră bruă hăng hơdôm tơlơi lông kơñ pơgi; apui lơtrik ayuh hăng thun blan pơplih yua apui lơtrik amăng bruă bơwih ƀong pơđĭ kyar tañ, amăng anun hơmâo Việt Nam.