Ƀơi mông bưp nao rai, ơi Trần Thanh Mẫn, Khua anom bruă pơ ala mơnuih ƀôn sang dêh čar ta lăi, Việt Nam lăng yom kơ bruă ngă giăng mah gru grua hăng ngă hrŏm lu mơta mơ̆ng dua bơnah, lăng kơ dêh čar Panama jing bơnah ngă hrŏm phun ƀơi kual Mỹ Latinh.

Ơi Trần Thanh Mẫn lăi pơtong, khua mua pơ ala mơnuih ƀôn sang dêh čar Việt Nam dong yua tong ten djop jơlan hơdră, anăp ngă bruă, kơtưn tơlơi rô nao rai dua bơnah dêh čar, tŭ ư hrŏm pơsit tañ hră kĭ pơkôl amăng tal khua mir sir rai čuă jơmư anai, ƀuăn ngă hrŏm, djru čih pơkra tơlơi phiăn pơkă kơ bruă mă, ngă gêh găl brơi dua bơnah pok pơhai hră kĭ pơkôl, či ngă tui ba glăi boh tŭ yua prong kwo dua bơnah. Kơ bruă ngă hrŏ plah wah dua bơnah anom bruă čih pơkra tơlơi phiăn, khua mir sir dêh čar Panama tŭ ư dong yua, pơtrut dua bơnah pơblih nao rai čuă jơmư trư găn, hrăm nao rai tơdruă amăng bruă mă plah wah hơdôm jơnum min, anom bruă amăng sang bruă čih pơkra tơlơi phiăn dêh čar; pơđĭ kơtang hloh tơlơi gơgrong ba mơ̆ng sang bruă čih pơkra tơlơi phiăn, kiăng hơmâo hră pơtrun ngă tui, djru dua bơnah amuñ hloh amăng bruă mă, dong yua pơtruh nao rai anom bruă dua bơnah kơnuk kơna-djop gong gai tơring čar-sang bruă mơdrô hăng djru pơsir hĭ tơlơi dŏ kơđông, pơtrut lu anŏ ngă gêh găl gum hrŏm tum teč hloh.