Tal nao čuă sit nik dêh čar Lao mơng Khua dêh čar ơi Lê Minh Hưng ƀu djơ̆ kơnong lĕ bruă pơtom hiăp đôč ôh ăt anai lĕ tơlơi pơsit tong kơ tơlơi yak nao amăng pran ngă bruă hăng đing nao hloh amăng hơdră bruă pơtom hiăp mơng Việt Nam amăng rơwang pơđĭ kyar phrâo. Tal nao čuă anai lĕ hrơi mông kiăng khua mua dua bơnah pơlăi nao rai bruă mă hăng jơlan gah ngă bruă ƀơi anăp hơdôm bruă amăng kual hăng jar kmar dua bơnah đing nao.

Tơlơi bơtŭ ư hrŏm hăng gum hrŏm kjăp kơplah wah Việt Nam hăng Lao amăng hơdôm mông jơnum djop bơnah anun lĕ jơnum ASEAN, Sang gum hơbit djop dêh čar hăng hơdôm mông jơnum kual Mê Kông jing tơlơi gơgrong phun amăng bruă hơkrŭ pran gum pơgôp amăng kual, pơhlôm boh pơhiăp hrŏm hăng wai pơgang rơnuk rơnua, hơđong amăng kual. Tal nao čuă mơng Khua dêh čar ơi Lê Minh Hưng pơ dêh čar Lao jing tơlơi yak nao kiăng ngă tui hơdôm tơlơi ƀuăn brơi tong ten, pok rai tơlơi dưi phrâo amăng ngă hrŏm sit nik, tŭ yua hăng hơđong kjăp kơplah wah dua boh dêh čar.