Ba nao rơbêh 2.200 čơđeh tơlang tơhan mơ̆ng Quảng Ngãi nao pơ Hà Nội pơčrang ADN
Thứ năm, 09:20, 08/10/2026
VOV/Siu H'Mai pơblang
VOV/Siu H'Mai pơblang
VOV.Jarai - Mơguah kơnôl 7/10, Khul git gai hyu ĕp, kuai rŭ tơlang hăng pơsit anăn krăn pô tơhan djai drơi kơ lŏn ia tơring čar Quảng Ngãi ba nao rơbêh 2.200 čơđeh tơlang tơhan djai pơsăn drơi tal 4 kơ Sang bruă pơtŏng sit ia jrao Pháp y Quân đội či pơčrang ADN, či pơsit anăn krăn pô.
Hlâo či ba nao, ƀing khua dưm bơnga, čuh ñang, pioh mông hơ-ŭ kơ tơhan djai drơi kơ lŏn ia. Hơdôm čơđeh tơlang hơmâo pel ĕp, pơhmu nao rai hră pơ-ar, pơƀlir hĭ hruh, laih anun djă pioh tui tơlơi pơtrun.
Amăng rơbêh 2 blan rơgao, hơdôm grup mă čơđeh tơlang mơ̆ng tơring čar Quảng Ngãi hơmâo kuai rŭ rơbêh 13.500 akŏ pơsat tơhan, ƀơi hơdôm rơtuh ƀut pơsat tơhan djai drơi, pơhrui rơbêh 9.000 čơđeh tơlang dưi ba pơčrang. Truh ră anai, tơring čar hơmâo jao kơ rơbêh 6.800 čơđeh tơlang kơ Sang bruă Pháp y Quân đội či pơčrang lăng ADN, kiăng pơsit anăn krăn pô tơhan djai pơsăn drơi kơ lŏn ia dŏ kơƀah tơlơi pơhing.
Viết bình luận