Anai jing mông jơnum tal rơnuč prăp rơmet kơ mông Jơnum lok 2, Khua pơ ala mơnuih ƀôn sang dêh čar tal 16, him lăng pơsit brơi 38 tơlơi phiăn hăng lu hră pơtrun yơyom, amăng anun hơmâo 7 hră pơtrun pơkă gah tơlơi phiăn. Khua pơ ala mơnuih ƀôn sang dêh čar ơi Trần Thanh Mẫn rơkâo kơ hơdôm anom bruă čih pơkra, pơtŏng lăng bruă mă kiăng pơplih tơlơi phiăn, hơdră ngă bruă, ngă klă tui djŏp tơlơi či pơdah pơ Khua mua pơ ala; pơƀut ngă rơđah hơdôm bruă akŏ phun, lăng anŏ klă, boh tŭ yua hăng tơlơi kiăng đĭ kyar yơh phun ñu. Amăng anun, Tơlơi phiăn lŏn tơnah (čih pơkra glăi) hăng Tơlơi phiăn hră pơtrun pơkă ngă tui tơlơi phiăn jing phun atur.

Khua pơ ala mơnuih ƀôn sang dêh čar lăi dlăm, Tơlơi phiăn lŏn tơnah bơdjơ̆ nao abih bang bruă bơwih ƀong hăng tơlơi hơdip mơnuih ƀôn sang, hơmâo lu mơnuih ƀon sang, sang bruă mơdrô lăp đing nao, yua hnun khŏm ngă rơđah, ngă kjăp. Jơnum min apăn bruă phun pơ ala mơnuih ƀôn sang ăt pơgôp hiăp kơ Tơlơi phiăn lŏn tơnah (pơkra glăi), amăng anun pơƀut pơkra hơdră hmư̆ hing, mă yua lŏn hăng pơkă nua lŏn rơđah rơđông, abih bang mơnuih thâo, klă kơ Kơnuk kơna, mơnuih yua lŏn hăng sang bruă tuh pơ alin./.