Jơlan hơdră anai yua Ding jum kông an hăng Khul đah kơmơi mut phung Việt Nam ngă hrŏm, pơphun anăp nao či hơdor glăi 96 thun Hrơi akŏ pơjing khul đah kơmơi mut phung Việt Nam, kơnôl 20/10/1930-kơnôl 20/10/2026 hăng Hrơi pioh kơ Đah kơmơi hrơi Việt Nam kơnôl 20/10.

Jơlan hơdră adoh suang anăn “Pơtruh brơi tơlơi khăp pap” jing sa tơlơi ră ruai dưi pơdah hăng adoh suang, rup rap, lăi pơthâo, tơlơi pơhing hăng adoh suang gru grua hiam lu ia iom, hơmâo klâo črăn: “Tơlơi khăp plơi pla”-“Pơtruh brơi tơlơi khăp pap”-“Jua mơñi mơ̆ng hơtai boh”. Kơnang kơ jơlan hơdră anai, Ding jum kông an hăng Khul đah kơmơi mut phung Việt Nam čang rơmang ngă bang bơngač hloh gru grua đưm “Pơdjru nao rai tơdruă”, râo pơdưh tơlơi gơgrong ba hăng gum tơngan hrŏm amăng khul mơnuih mơnam hăng bruă mă sit nik; djru hrŏm kah pơpha tơlơi tơnap tap hăng ƀing đah kơmơi laih anun čơđai muai hơmâo tơlơi ruă ƀu dưi pơjra sang anŏ tơnap tap đơi, laih dơ̆ng ngă bang bơngač tui rup rap khua mua, ling tơhan kông an mơnuih ƀôn sang pô glăm ba, ngă bruă hiam, yua kơ Mơnuih ƀôn sang khom bơwih brơi.