Thun hrăm 2026-2027, Dak Lak hơmâo dưm dăp glăi lu anih pơtô hrăm, do 625 boh sang hră, hrŏ trun rơbêh ha mơkrah pơhmu hăng thun hrăm hlâo. Samơ̆, bruă kơƀah nai pơtô, anih hrăm hăng gơnam măi mok pơtô hrăm, bruă brơi čơđai dŏ glăi yang hrơi dong, dŏ glăi mơmŏt mlăm ăt tŏ tui lĕ bruă pơprong. Kiăng pơsir hĭ, gơnong bruă pơtô pơjuăt Dak Lak rơkâo pơhrua dong rơbêh 6.700 biên chế amăng rơwang 2026-2030.

Gơnong bruă  ăt ba tơbiă hơnong pơkă ‘Pơplih tơlơi pơmĭn-Pơplih kơtang tui-Ba glăi boh than sit nik”, ngă tui tơlơi pơkă “hrŏ kiăng đĭ”, lŏm hĭ hơdôm hră pơ-ar hrup, hrŏ ƀiă biă mă ñu 50% bruă pơplông, hơdôm bruă ngă kiăng ƀuh ƀơi anăp; laih dong đing nao pơsir hĭ bruă rơbêh, kơƀah nai pơtô hăng pơtrut kơtang pơplih mrô djop mơta. Gơnong bruă pơtô pơjuăt Dak Lak kiăng pơplih kơtang mơng pơplih phrâo jơlan gah ngă bruă hơdai nao pơjing rai boh than tong ten, amăng anun đing nao tơlơi sit nik hăng klă tui mơng ƀing čơđai anai jing tơlơi pơkă sit nik.