Mơguah kơnôl 5/10, ƀơi Hà Nội, pơphun prong mông Jơnum lok 4 Khul khua apăn bruă ping gah dêh čar tal 14. Pơhiăp ƀơi mông Jơnum, Khua ping gah, Khua mir sir ơi Tô Lâm rơkâo Ping gah gơnong dlông pơƀut pơčrông sai, pơgôp hiăp kơ hơdôm bruă yom, akŏ phun hăng bruă đĭ kyar lŏn ia amăng rơnuk phrâo. Mông jơnum pơphun amăng hrơi mông rŏng lŏn tơnah hơmâo lu tơlơi pơplih prong, bơrơsua hơdră mă bruă, kơsung blah, sĭ mơdrô hăng hơdôm tơlơi pơplih tañ đơi kơ boh thâo ia rơgơi glăk kiăng hơmâo tơlơi pơplih phrâo mơn hăng Việt Nam.

Khua ping gah, Khua mir sir ơi Tô Lâm rơkâo Ping gah pơƀut amăng 4 mơta bruă prong, pơđĭ tui tơlơi rơgơi git gai, tŭ yua bruă mă mơ̆ng anom bruă kơđi čar; akŏ pơjing khul mơnuih ngă khua, đĭ kyar hăng iâu pơthưr mơnuih rơgơi; laih dong pơsit djơ̆ hơdôm tơlơi kiăng ngă hlâo, iâu pơthưr hăng mă yua djŏp tơlơi či đĭ kyar tañ, hơđong. Khua ping gah, Khua mir sir kiăng djŏp jơlan gah ngă bruă khŏm kiăo tui anŏ kiăng sit nik, pơklaih brơi akŏ kơđông, pơsit rơđah tơlơi gơgrong bruă laih anun pơphun ngă khut khăt, tŭ yua, djơ̆ hăng tơlơi kiăng đĭ kyar mơ̆ng lŏn ia amăng rơnuk phrâo./.