Dak Lăk ngă lơphet 96 thun hrơi akŏ pơdong Khul ping gah Cộng sản blung a bơi Phú Yên
Thứ hai, 14:49, 05/10/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Kơnôl 4/10, tơring čar Dak Lăk ngă lơphet 96 thun Hrơi akŏ pơdong Khul ping gah Cộng sản blung a ƀơi Phú Yên, ƀơi să Đồng Xuân, anih hơmâo gru phun đưm yom biă mă mơ̆ng bruă ngă hơkrŭ.
Kơnôl 5/10/1930, ƀơi sang ơi Phan Lưu Thanh, gah kueng Đồng Bé, plơi Phước Long, să Xuân Long, tơring čar Phú Yên, Khul ping gah cộng sản blung a ƀơi Phú Yên hơmâo akŏ pơdong, hăng 9 čô mơnuih ping gah, yua ơi Phan Lưu Thanh ngă Khua ping gah. Bruă anai kơđŏm gru yom biă mă, pok jơlan akŏ pơdong, pơđĭ tui anom bruă ping gah hăng ngă hơkrŭ ƀơi tơring anai.
Ƀơi mông ngă lơphet, tơring čar Dak Lăk ngă yang tŭi ñang, hơ-ŭ kơ ơi Phan Lưu Thanh; laih dong mă yua ring bruă pơkra ming, pơhrup hiam Anih gru đưm akŏ pơdong Khul ping gah Cộng sản blung a ƀơi Phú Yên. Anih gru đưm jing anih pơtô ba bruă ngă hơkrŭ kơ rơnuk tơdơi anai./.
Viết bình luận