VOV.Jarai - Mơguah lơ 25/5, ƀơi Sang bruă Ping gah, Khua git gai Ping gah, Khua mir sir ơi Tô Lâm, Khua khul git gai bruă Gơnong dlông kơ đĭ kyar boh thâo ia rơgơi, pơčeh ia rơgơi phrâo, laih anun ba yua ia rơgơi mrô git gai mông mă bruă hăng Khul črâo bruă pơčrông sai hơdră kơsem min phun atur boh thâo phrâo.

VOV.Jarai - Mơguah tom brơi, lơ 25/5, ƀơi Hà Nội, kiăo tui tơlơi jao bruă mơ̆ng Khua dêh čar, Kơ-iăng khua dêh čar yă Phạm Thị Thah Trà brơi hră pơsit ruah pơhrua ơi Nguyễn Huy Dũng ngă Kơ-iăng khua ding jum Gru grua, Bơkjăp drơi jăn hăng Tuai čuă ngui.

VOV.Jarai - Gơnong bruă boh thâo ia rơgơi tơring čar Dak Lăk pơphun pok anih pơtô pơjuăt dlăm kơ bruă wai lăng bruă mă gah boh thâo ia rơgơi thun 2026 kơ ƀing khua, mơnuih apăn bruă mơ̆ng tơring čar truh pơ să, phương.

VOV.Jarai - Thâo laih bơyan hơjan kơthel thun 2026 ăt amuñ hơmâo tơlơi truh kơtang mơn, Jơnum min mơnuih ƀôn sang tơring čar Lâm Đồng glăk ječ ameč ngă bruă ha amăng plĕ hăng lu hơdră pơgang hlâo, bong hĭ, plai ƀiă tơlơi truh yua hơjan kơthel ngă.

VOV.Jarai - Ƀơi să kual 3 tơnap tap Trường Xuân, tơring čar Lâm Đồng, pran jua mơ̆ng Tơlơi pơtrun 57 mơ̆ng Ding jum kơđi čar kơ pơplih boh thâo ia rơgơi, pơčeh ia rơgơi phrâo laih anun ba yua ia rơgơi mrô glăk hơmâo ngă hăng hơdôm bruă sit nik. Mơnuih ƀôn sang dưi pơdjru nao rai ngă hră ƀơi măi telephôn hlao.

VOV. Jarai-Tơdơi kơ pơmut hrŏm sang bruă kơnuk kơna, tơring čar Khánh Hòa hlăk dong ƀơi anăp tơlơi jŭ yap khom pơsir hơdôm boh sang bruă, lŏn đang dŏ rơbêh.

OV.Jarai-Ngă bruă hăng Jơnum min wai lăng anŏ kiăng mơ̆ng mơnuih ƀôn sang hăng Krăp lăng tlam lơ 25/5, ơi Trần Thanh Mẫn, Khua git gai pơ ala mơnuih ƀôn sang dêh čar lăi pơtong, mơnuih ruah khua hăng mơnuih ƀôn sang amăng dêh čar čang rơmang biă mă hăng sang bruă khua pơ ala mơnuih ƀôn sang dêh čar rơwang bruă anai, anun lĕ ƀu kơnong pơđing hmưư đôč ôh, khom kiăo tui đut tơhnal amăng djop bruă; ƀu kơnong krăp lăng đôč ôh, pơjing rai tơlơi pơblih phrâo; ƀu kơnong čih pơƀut ôh, truh rơkâo đĭ, dŏ ƀuh tañ hơdôm tơlơi aka ƀu găl amăng jơlan hơdră, pơhŭi hlâo tơlơi či hơmâo hăng pơtrut bruă mă glăm ba mŏng djop sang bruă hơmâo tơlơi dưi.

VOV.Jarai-Tơdơi kơ giăm ha thun pok pơhai gong gai ƀon lan dua gưl, lu să, phương ƀơi Khánh Hòa glăk dong ƀơi anăp lu tơlơi glêh tơnap bơdjơ̆ nao mơnuih apăn bruă, hơdră djru hăng pơplih yua boh thâo phrâo. Amăng jơnum pơlăi nao rai kơplah wah Ping gah tơring čar Khánh Hòa hăng ƀing apăn bruă, mơnuih mă bruă gưl să phrâo anai brơi ƀuh, tơlơi rơkâo sit nik kiăng tañ pơsir hĭ hơdôm tơlơi gun kiăng hrưn đĭ tŭ yua ƀiă amăng bruă mă mơng gong gai ƀon lan.

VOV.Jarai-Mơguah lơ 25/5, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn hơmâo git gai jơnum hăng Khul djru bruă Jơnum min boh thâo ia rơgơi, boh thâo măi mok hăng ayuh hyiăng lŏn mơnai mơng Ƀirô Khua pơ ala mơnuih ƀon sang.

VOV.Jarai - Ƀơi Hà Nội, Khua anom pơtô bruă Ping gah hăng pơtô ba mơnuih ƀôn sang dêh čar ơi Trịnh Văn Quyết, hrŏm hăng khua mua nao čuă, bơni hơ-ơč kơ Khul đăo phơ̆t Việt Nam, ƀrô hrơi ngă yang Phật đản Phật lịch 2570 - Dương lịch 2026, ƀơi sang čua Quán Sứ.