VOV.Jarai-Khul apăn bruă Ping gah tơring čar Dak Lak phrâo akŏ pơjing Khul git gai pơphun ngă tui “Hơdră bruă 500 hrơi mlăm pơtrut kơtang ngă tui bruă hyu ĕp, klơi pơƀut hăng ĕp anăn krăn pô tơlang tơleh tơhan djai pơsăn drơi”, kiăng git gai pok pơhai khut khăt, ha amăng plĕ hơdôm bruă jao amăng tơring čar.

VOV.Jarai-Ding jum prăk kak phrâo pơphun Jơnum lăng glăi bruă mă 6 blan akŏ thun, pok pơhai bruă jao 6 blan rơnuč thun 2026, jơnum ƀơi anăp hăng lăng nao rai mơng ataih hăng 33 boh ƀon lan.

VOV.Jarai-Tui hăng tơlơi pơkă hnơ̆ng yap anŏ ƀun rin lu mơta, mrô sang anŏ ƀun rin ƀơi tơring čar Lâm Đồng ră anai dŏ 3,33%, amăng kơnong amăng plơi pla mơnuih djuai ƀiă lĕ dŏ 9%. Tơlơi anun brơi ƀuh, bruă pơhrŏ ƀun rin ƀơi kual mơnuih ƀôn sang djuai ƀiă ăt jing sa tơlơi lông lăng đôč pơ anăp adih. Hrŏm hăng lu jơlan hơdră kơnuk kơna tuh pơ alin, ping gah djru ba, bruă pơtrut ƀing tha plơi, mơnuih arăng đăo kơnang pơđĭ tui tơlơi gơgrong ba jing sa jơlan hơdră yom biă mă, djru râo pơdưh tơlơi pơmin, pran jua nao hlâo pơčrâo brơi mơnuih ƀôn sang pơđĭ kyar bơwih ƀong huă hăng hrưn đĭ pơklaih mơ̆ng ƀun rin hơđong kơjăp.

VOV.Jarai - Tơdơi kơ tŭ mă abih laih lŏn tơnah, hơdôm anom bruă man pơdong 8 boh plơi phrâo bơwih brơi bruă pơkra jơlan rơdêh treng đuăi hmar glông jơlan mơ̆ng Kơdư nao pơ Dơnung, găn nao pơ tơring čar Lâm Đồng glăk pơtrut tañ bruă man pơdong. Abih bang glăk gir run kiăo hmao hrơi pơkă, ngă giong amăng rơnuč blan 9 pơ anăp.

VOV.Jarai - Ƀrô hrơi ngă lơphet 79 thun Hrơi tơhan rơka - tơhan djai pơsăn drơi, tom brơi (kơnôl 19/7), Khua pơ ala mơnuih ƀôn sang dêh čar ơi Trần Thanh Mẫn nao čuă, ƀơk gơnam kơ ƀing tơhan rơka, tơhan duam ruă ƀơi Anih čem rông tơhan rơka hăng mơnuih ngă hơkrŭ Long Đất, ƀôn prong Hồ Chí Minh.

VOV.Jarai-Mơguah lơ 19/7, yă Nguyễn Thị Thanh, kơ-iăng Khua git gai pơ ala mơnuih ƀôn sang dêh čar hrŏm hăng grup hyu mă bruă mơng Ƀirô Khua pơ ala mơnuih ƀon sang nao čuă, ƀơk 200 anung gơnam brơi mơnuih djru hơkrŭ hăng hơdôm boh sang anŏ tui hơdră djru ƀơi hơdôm boh să Ea Wer, Ƀuôn Đôn hăng Ea Ñuôl, tơring čar Dak Lak, ƀrô tal hơdor glăi 79 thun hrơi tơhan rơka-tơhan djai pơsăn drơi jăn (27/7).

VOV.Jarai-Tal hơdor glăi 24 thun hrơi akŏ pơjing Khul git gai kual Dap kơdư, ƀơi ƀôn prong Hồ Chí Minh, Khua git gai Ping gah, Khua mir sir ơi Tô Lâm nao jơnum hăng đĭ pơhiăp amăng mông bưp ƀô̆ mơta ƀing apăn bruă hơđăp amăng khul git gai kual Dap kơdư.

VOV.Jarai - Kơnôl 16/7, ƀơi Mộc Châu, Khua ping gah, Khua mir sir ơi Tô Lâm git gai mông ngă bruă hăng Khul apăn bruă phun ping gah tơring čar Sơn La kơ bruă ngă tui Tơlơi pơtrun Jơnum ping gah dêh čar tal 14, Tơlơi pơtrun Jơnum ping gah tơring čar tal 16 hăng hơdôm tơlơi pơtrun pơprong mơ̆ng Gơnong dlông.

VOV.Jarai - Ƀơi Nghệ An hăng Hà Tĩnh, ơi Trần Cẩm Tú, Ding kơna Ding jum kơđi čar, Khul git gai Ping gah dêh čar ba jơlan ƀing khua mơ̆ng Gơnong dlông nao jơnum hrŏm bruă pơpŭ hăng hơdor tơngia ƀrô ngă lơphet 79 thun Hrơi tơhan rơka, tơhan djai pơsăn drơi (27/7).

VOV.Jarai - Kơnôl 16/7, Khul mă bruă mơ̆ng Ding jum Kông an hăng Ding jum Ling tơhan pel ĕp bruă ngă tui Tơlơi pơčrâo trun mơ̆ng Kơnuk kơna kơ ngă hrŏm pơgang rơnuk rơnua lŏn ia, pơhlom hơđong kjăp, rơnuk rơnua mơnuih ƀôn sang, pơkơdong glăi mơnuih ngă soh, hăng bruă pơgang lŏn ia ƀơi Dak Lăk.