VOV.Jarai-Mơguah tom brơi (18/3), ƀơi Ƀirô mă bruă, khua mir sir ơi Lương Cường tŭ jum Khua anih jưh pơ ala dêh čar Kur, Saudi Arabia hăng Dominica ba hră mơ-it mơng dêh čar hlâo kơ mă bruă ƀơi Việt Nam.

VOV.Jarai-Amăng jơlan hơdră nao mă bruă ƀơi tơring čar Dak Lak, mơguah lơ 19/3, Kơ-iăng khua dêh čar ơi Hồ Quốc Dũng, ding kơna apăn bruă ping gah dêh čar, nao mă bruă ƀơi să Ea Ƀung.

VOV.Jarai - Tlam tom brơi (17/3), ƀơi Sang bruă Kơnuk kơna, Khua dêh čar ơi Phạm Minh Chính ngă bruă hăng Grup wai lăng rơnuk rơnua apui ayuh kơ hơdră pơhlom hơđong apui yua ia jâo dêh čar, ƀơi anăp tơlơi bơbeč mơ̆ng bruă blah ngă kual Trung Đông kơ bruă blơi sĭ apui yua ia jâo ƀơi rŏng lŏn tơnah.

VOV.Jarai-Tlam lơ 17/3, Khua git gai pơ ala mơnuih ƀôn sang dêh čar ơi Trần Thanh Mẫn git gai Jơnum lăng glăi bruă gum hrŏm kơplah wah Jơnum min apăn bruă Khua pơ ala mơnuih ƀôn sang dêh čar hăng Grup khua apăn akŏ Jơnum min djop djuai ania mơnuih mơnam Việt Nam.

VOV.Jarai-Tlam lơ 17/3, ơi Tô Lâm, Khua git gai Ping gah Cộng sản Việt Nam hơmâo mông mă bruă hăng Ding jum sĭ mơdrô hăng tuh tia pơkra ming hăng sa, dua ding jum, gơnong bruă bơdjơ̆ nao tơlơi rô nao rai sĭ mơdrô jar kmar hăng pơlir sĭ mơdrô hăng hơdôm bơnah ngă hrŏm yôm phun lơm glăk hơmâo lu tơlơi pơplih bruă kơđi čar, tơlơi bơwih ƀong huă amăng rŏng lŏn tơnah ră anai.

VOV.Jarai-Amăng jơnum hăng ƀing čih tơlơi pơhing tui tơđar blan 2/2026, Khua mua tơring čar Dak Lak brơi thâo, lu hơnong pơkă bơwih ƀong tŏ tui hơđong pơ glông, ngă atur brơi tơring čar gir run dưi ngă djơ̆ hơnong pơkă dua mrô amăng thun anai.

VOV.Jarai-Lơ 17/3, Jơnum min plĕ hră tơring čar Dak Lak pơphun jơnum lăi pơthâo kơ mrô hră plĕ ruah Khua pơ ala mơnuih ƀôn sang dêh čar tal XVI hăng lăi pơthâo ƀing mơnuih ruah ngă khua mua jơnum min pơ ala mơnuih ƀôn sang tơring čar rơwang thun 2026-2031.

VOV.Jarai-Sang hră pơtô boh thâo măi mok ling tơhan kiăng pơtrut kơtang bruă pơhưč, pơhrăm brơi, ĕp pơmut ƀing rơgơi, pơjing ƀing apăn bruă bơkơnar hăng tơlơi rơkâo bruă jao amăng rơnuk phrâo”. Anai lĕ tơlơi rơkâo mơng Khua git gai Ping gah dêh čar ơi Tô Lâm lơm nao čuă, mă bruă hăng Sang hră lơ 17/3.

VOV.Jarai-Yang hrơi dong lơ 17/3, ƀơi Sang bruă Kơnuk kơna, Khua dêh čar, ơi Phạm Minh Chính tŭ jum Khua anih jưh pơ ala dêh čar Qatar, ơi Khalid Ali Abdullah Abel.

VOV.Jarai - Hrơi tom brơi (lơ 16/3), ƀơi Hà Nội, ƀing Ding kơna Ding jum kơđi čar, Khua ding jum pơtom hiăp ơi Lê Hoài Trung, Khua ding jum Ling tơhan ơi Phan Văn Giang hăng Khua ding jum Kông an ơi Lương Tam Quang hrŏm hăng Khua ding jum pơtom hiăp dêh čar Khač ơi Vương Nghị, Khua ding jum Ling tơhan Đổng Quân hăng Khua ding jum Kông an dêh čar Khač Vương Tiểu Hồng gum git gai mông Jơnum ta sa Pơčrông sai hơdră ngă bruă akŏ phun 3+3 gưl Khua ding jum Pơtom hiăp, Ling tơhan, Kông an plah wah Việt Nam hăng Khač.