VOV.Jarai - Tơdơi kơ hơjan kơthel ia dăo kơtang ƀơi Dak Lăk, Gia Lai, Khánh Hòa glăk iâu pơthưr djŏp khul grup anom bruă djru ba ană plơi kih rơmet, pơkra glăi anih anom, pơhlom hơđong tơlơi dŏ dŏng ƀong huă, rơmet rơmot anih anom, pơgang klin, pơdjai kman, kiăng tañ hơđong glăi tơlơi hơdip hăng ngă hmua pơkra gơnam tơdơi kơ tơlơi truh lŏn adai ngă.

VOV.Jarai - Hrŏm hăng iâu pơthưr abih bang mơnuih ƀôn sang gum pơgôp pioh pran jua đing nao kual Tong krah, Khua dêh čar ơi Phạm Minh Chính sit ñu gum djru mơnuih ƀôn sang kual Tong Krah - Dap kơdư pơsir hĭ tơlơi truh lŏn adai ngă.

VOV.Jarai - Mơguah lơ 24/11, Gong phun jua pơhiăp Việt Nam (VOV) pơphun iâu pơčruh gum pơgôp kơ neh met wa kual Tong Krah, Dap Kơdư pơsir tơlơi truh hơjan kơthel ia dăo ngă.

VOV.Jarai - Mơguah lơ 24/11, Khul khua git gai Ping gah pơphun Jơnum abih bang pơtum glăi bruă pel ĕp, krăo lăng, ngă tui tơlơi phiăn mơ̆ng Ping gah thun 2025 hăng rơwang bruă Jơnum ping gah dêh čar tal 13.

VOV.Jarai - Hơdôm hrơi anai, mơnuih ƀôn sang amăng dêh čar ta hrŏm hăng hơdôm khul grup anom apăn bruă glăk anăp nao kual Tong Krah adơi ayong sa kian pruăi hăng hơdôm bruă sit nik či ming pơkra tơlơi truh hơjan ia dăo ngă.

VOV.Jarai-Ngă tui tơlơi črâo trun mơng Ding jum kơđi čar, 4 grup hyu mă bruă mơng khua mua Ping gah, Kơnuk kơna hơmâo nao tơl hơdôm boh ƀon lan amăng kual Dơnung tong krah hăng Dap kơdư kiăng kơ git gai bruă rŭ pơdong glăi anŏ răm rai yua hơjan kơthel. Glăk nao mă bruă pơ tač rơngiao, mơng dêh čar Nam Phi, Khua dêh čar ơi Phạm Minh Chính hơmâo jơlan lăng nao rai mơng ataih pơlir hăng anom bruă kơnuk kơna hăng hơdôm boh ƀon lan kiăng pơčrông sai hơdôm hơdră ječ rŭ pơdong glăi anŏ răm rai mơng ayuh hyiăng lŏn adai ngă.

VOV.Jarai-Hơjan ia ling dăo ngă răm rai kơtang hloh ƀơi Dak Lak hăng Khánh Hòa, pran khăp pap tơdruă hơmâo lar hyu kơtang hloh. Grup hyu mă bruă mơng Hải Phòng hơmâo nao tơl kual ia ling dăo ƀơi Dak Lak djru brơi ječ 50 klai prăk. Ƀơi Khánh Hòa, ƀôn prong Hồ Chí Minh hơmâo pơkiăo nao ƀing nai ia jrao nao khăm pơjrao brơi soh sel. Hrŏm hăng anun, mơnuih ƀôn sang, khul grup hăng anom bơwih ƀong sĭ mơdrô ƀơi Dak Lak gir run pơgôp hơdôm rơbâo tơ̆n gơnam ƀong, ia mơñum, sum ao…mơ-it nao neh met wa kual ia ling dăo.

VOV.Jarai- Tơdơi kơ pơmut glăi sang bruă kơnuk kơna, tơring čar Dak Lak pơtum ming pơkra glăi gơnam yua hrĕ dăng kông, pơkĕ yua mrô, pơtô hrăm ƀing apăn bruă kơnuk kơna hăng pơtrut kơtang pơtô ba tơlơi thâo ngă hră pơar amăng kơnuk kơna mơit nao rai amăng jơlan internet pơtruh kơ mơnuih ƀôn sang. Hơdôm tơlơi gir anai hơmâo djru sa črăn ngă tui boh thâo ia rơgơi hăng mrô, phrâo rơnuk anai, djru mơnuih ƀôn sang hăng ƀing ngă bruă mơdrô jai hrơi tŭ yua hloh.

VOV.Jarai-Hơdôm tơring čar ƀơi Dơnung tong krah hăng Dap Kơdư hlăk pơtum pơsir tơlơi răm ƀăm ia ling dăo ngă phrâo anai, hăng hơdôm hơpluh rơbâo boh sang ia lip ƀudah răm ƀăm kơtang, ngă kơ lu mơnuih djai hăng răm ƀăm prong biă mă anŏ rơngiă truh hơdôm rơbâo klai prăk.

VOV. Jarai-Hăng tơlơi pơƀuh ƀô̆ mơta kah hăng tuai jak nao jơnum hrŏm mơ̆ng Khua G20, Khua dêh čar nao jơnum pơƀuh ƀô̆ mơta amăng mông jơnum prong G20, hơmâo bưp khua mua djop dêh čar ngă ding kơna, dêh čar ngă tuai arăng jak nao jơnum hăng anom bruă jar kmar nao pơhmư̆.