Khua gong phun jua pơhiăp Việt Nam ơi Đỗ Tiến Sỹ brơi thâo, sui mơ̆ng anai hơdôm wơ̆t hrơi tơjuh, Anom bruă hơmâo iâu pơthưr pơčruh aset biă ñu ha hrơi prăk blan, pơhrui hơmâo giăm 500 klăk prăk mơ-it kơ Jơnum min djŏp djuai ania mơnuih mơnam Việt Nam djru kơ neh met wa kual ia dăo.

Tal iâu pơthưr anai pơtrut pơsur ƀing khua, mơnuih mă bruă, ƀing hyu čih tơlơi pơhing phrâo, gư̆ tut măi mok amăng abih bang Anom bruă pơtui jua pơhiăp gum pơgôp, lăng anai jing tơlơi gơgrong bruă, tơlơi thâo pap, thâo djru nao rai tơdruă. Gong phun jua pơhiăp Việt Nam amra pôr tơlơi pơhing tơpă sit gir rŭ glăi bruă pơkra gơnam, bơwih ƀong, kih rơmet sang hră, wai lăng bruă ia jrao, pơgang klin kheng hăng gum hrŏm hăng gong gai, anom bơwih ƀong, khul grup jar kmar, djru neh met wa dưi găn rơgao hrơi blan tơnap tap anai.