VOV.Jarai-Ngă tui tơlơi črâo trun mơng Ding jum kơđi čar amăng bruă man pơdong sang hră kơnuk kơna čem rông ba pơlir djop gưl ƀơi hơdôm boh să giăm guai, phrâo anai, Kơ-iăng Khua dêh čar ơi Mai Văn Chính hơmâo nao ngă lơphet pok man pơdong ƀơi să Ia Rvê, tơring čar Dak Lak; kơ-iăng Khua dêh čar ơi Hồ Quốc Dũng ăt nao ngă lơphet pok man pơdong sang hră kơnuk kơna čem rông ba gưl I hăng gưl II ƀơi hơdôm boh să giăm guai gah Yŭ tơring čar Gia Lai. Mơnuih ƀôn sang kual giăm guai hlơi hlơi lêng kơ hok mơ-ak yua hơmâo tơlơi đing nao mơng Ping gah, Kơnuk kơna brơi kơ ƀing čơđai kual dŏ lu tơnap tap.

VOV.Jarai - Mơguah lơ 17/11, hơjan prong sui, hrŏm hăng ia dăo lu bit anih mơ̆ng hlâo ia, ngă răm rai djai mơnuih, răm jơlan nao rai ƀơi hơdôm boh tơring čar Lâm Đồng, Khánh Hòa hăng Dak Lăk.

VOV.Jarai - Hơdôm hrơi anai, mơnuih ƀon sang ƀơi Gia Lai kiăng blơi lu biă pơtâo čuah pơsơi pơsă či pơkra glăi sang dŏ tơdơi kơ kơthel 13. Ƀơi anăp tơlơi anun, khul apăn bruă ƀơi tơring čar hyu tir, sem lăng hăng kiăng hơdôm sang sĭ mơdrô gơnam man pơdong kĭ hră ƀuăn ƀu dưi pơđĭ nua či ƀong mơkmlai lu ôh.

VOV.Jarai - Amăng tal nao čuă sit nik kơnuk kơna Kuwait, Khua dêh čar ơi Phạm Minh Chính hrŏm hăng Grup khua pơprong mơ̆ng Việt Nam hơmâo bưp ƀing khua, mơnuih mă bruă amăng anom bruă pơ ala Việt Nam hăng mơnuih ƀôn sang Việt Nam dŏ pơ Kuwait.

VOV.Jarai - Amăng tal nao čuă sit nik kơnuk kơna Kuwait, lơ 17/11/2025, Khua dêh čar ơi Phạm Minh Chính bưp Dăm phu dêh čar Kuwait Sheikh Sabah Khaled Al-Hamad Al-Sabah; nao čuă Khua dêh čar Kuwait hơđăp Sheikh Nasser Al-Mohammed Al-jaber Al-Sabah.

VOV.Jarai - Tơdơi kơ hơdôm hrơi hơjan prong, ngă kơ lu plơi pla kual Dơnung Tong Krah hăng Dap Kơdư dăo kơtang biă. Gong gai hrŏm hăng mơnuih ƀôn sang gir pơsir tơlơi truh, tañ hơđong glăi tơlơi hơdip mơnuih ƀôn sang.

VOV.Jarai - Mơguah lơ 17/11, ƀơi Hà Nội, Anom bruă hơduah ĕp kơđi Kơnuk kơna pơphun ngă lơphet 80 thun Hrơi ngă gru Hơduah ĕp kơđi Việt Nam (23/11/1945-23/11/2025).

VOV.Jarai - Lơ 17/11, Khul đah kơmơi tơring čar Dak Lăk pơphun jơnum pơtum glăi hăng brơi pri “Đah kơmơi amăng plơi pơphun bơwih ƀong pơčeh phrâo” thun 2025.

VOV.Jarai-Hơdor glăi 95 thun hrơi gru grua Jơnum min djop djuai ania mơnuih mơnam Việt Nam phrâo anai, Khua dêh čar ơi Phạm Minh Chính hơmâo nao jơnum hrŏm hrơi mơak gum pơgôp djop djuai ania mơnuih mơnam hăng mơnuih ƀôn sang ƀut plơi Thắng Kiên, să Đề Gi, tơring čar Gia Lai. Ăt amăng ta lanai mơ̆n, Kơ-iăng khua dêh čar ơi Mai Văn Chính hơmâo nao jơnum hrŏm Hrơi mơak jơnum gum pơgôp djop djuai ania ƀơi ƀut plơi Suối Cau-Suối Sâu-Bến Khế, să Bắc Khánh Vĩnh, tơring čar Khánh Hòa.

VOV.Jarai-Mơguah lơ 17/11, ƀơi Sang hră pơtô ngă nai Hà Nội, Khua mir sir ơi Lương Cường nao ngă lơphet ƀrô Hrơi pioh hơdor nai pơtô Việt Nam (20/11) hăng Jơnum pơplông khăp kơ lŏn ia gơnong bruă pơtô pơjuăt tal VIII.