VOV. Jarai- Jao hră pơsit hăng brơi pŏ bơnga, Khua dêh čar ơi Phạm Minh Chính bơni kơ ơi Trần Hồng Thái dưi hơmâo khua mua ping gah, Kơnuk kơna đăo kơnang jao bruă prong, ngă khua sa boh anom bruă kơsem min ia rơgơi tơlơi kơhnâo phrâo Việt Nam

VOV.Jarai - Amăng hơdôm hrơi lơ 11 hăng 12 blan 3, Anom bruă khua git gai tơhan tơring čar Dak Lăk nao pel ĕp bruă prăp rơmet ruah khua hăng bruă dŏ gak ƀơi hơdôm anom bruă tơhan hăng hơdôm boh să, phương amăng tơring čar.

VOV.Jarai - Mơguah tom brơi (12/3), ƀơi Grup bơwih ƀong Ia rơgơi măi mok - Dăng kong Ling tơhan (Viettel), khul khua mơ̆ng Khua dêh čar ơi Phạm Minh Chính hăng khua mua hơdôm ding jum anom bruă gơnong dlông ngă bruă hăng Ding jum Ling tơhan kơ bruă đĭ kyar pơkra gơnam yua gah ling tơhan.

VOV.Jarai - Sui mơ̆ng anai 51 thun, Bruă blah rơngai Dap Kơdư pok pơphun blah dưi laih, jing pơplih prong biă mă, pok rai tơlơi gêh găl kơ bruă Kơsung blah hăng tơgŭ hơkrŭ Bơyan phang thun 1975, anăp nao pơklaih rơngai abih kual Dơnung, pơlir hơbit lŏn ia ta. Mơ̆ng anih blah ngă tuh drah pơčah asar đưm adih, kual lŏn dap kơdư hrơi anai glăk hrưn đĭ kơtang biă, jing kual akŏ phun đĭ kyar bơwih ƀong, pơgang lŏn ia hăng rơnuk rơnua mơ̆ng lŏn ia ta.

VOV.Jarai-Kơnong dŏ ƀiă hrơi đôč, mơnuih ruah khua amăng đơ đam dêh čar amra nao plĕ hră ruah khua pơ ala mơnuih ƀôn sang dêh čar tal XVI hăng ƀing pơ ala mơnuih ƀôn sang djop gưl rơwang bruă thun 2026-2031. Ƀơi hơdôm să kual giăm guai dêh čar či tơring čar Dak Lak, mơnuih ruah khua hik hăk dŏ tơguan hrơi mơak jơnum prong kơ abih bang mơnuih ƀôn sang dêh čar, prăp lui, ĕp lăng tơlơi pơhing ƀing tơbiă anăn ruah khua ngă tui tơlơi dưi hăng bruă glăm ba mơ̆ng sa čô mơnuih ƀôn sang djop djel hloh, djơ̆ hăng tơlơi phiăn.

VOV.Jarai- Ƀơi sang bruă Khua pơ ala mơnuih ƀôn sang dêh čar, ơi Trần Thanh Mẫn, Khua git gai pơ ala mơnuih ƀôn sang dêh čar, Khua jơnum ruah khua dêh čar, git gai jơnum hăng djop grup amăng Khul pơphun bruă ruah khua dêh čar.

VOV.Jarai-Lơ̆ 11/3, ƀơi tơring čar Ninh Bình, Grup hyu ĕp lăng mrô 12 mơ̆ng Ding jum kơđi čar, Khul khua apăn bruă git gai ping gah yua kơ ơi Trần Cẩm Tú, Khua gum bruă git gai ping gah dêh čar ba jơlan hlâo hơmâo mông mă bruă hăng Khul apăn bruă git gai ping gah ling tơhan Quân đoàn 12.

VOV.Jarai - Hrŏm hăng dêh čar ta, Lâm Đồng glăk ječ ameč prăp rơmet djŏp bruă bơwih brơi hrơi plĕ hră ruah khua pơ ala mơnuih ƀôn sang dêh čar tal 16 hăng khua pơ ala mơnuih ƀôn sang djŏp gưl rơwang thun 2026-2031 rơnuk rơnua, djơ̆ tơlơi pơtrun, sit nik jing hrơi mơak prong mơ̆ng lŏn ia ta.

VOV.Jarai - Mơguah lơ 11/3. Ƀơi sang bruă Kơnuk kơna, Khua dêh čar ơi Phạm Minh Chính git gai Jơnum lăng tui mơ̆ng ataih amăng tivi kơ tơlơi bơwih ƀong bơdjơ̆ nao ƀing tha hăng hơdră djru, bruă akŏ phun mơ̆ng Việt Nam.

VOV.Jarai-Hrơi tom brơi (11/3), Khua git gai Ping gah tơring čar Dak Lak ơi Lương Nguyễn Minh Triết hơmâo nao pel ĕp bruă man pơkra sa, dua ring bruă, akŏ bruă phun amăng tơring čar, lăi pơtong tơlơi rơkâo pơsir hĭ tơlơi gun kiăng ngă atur brơi hơnong pơkă pơđĭ kyar bơwih ƀong huă đĭ dua mrô mơng tơring čar amăng rơwang ngă bruă.