Pơ ala khua mua ping gah, Kơnuk kơna, Khua dêh čar bơni hơ-ơč kơ boh tơhnal, bruă ngă tŭ yua lăp pơ-ư ang mơ̆ Sang hră kơsem min bruă ling tơhan hơmâo ngă laih amăng 50 thun rơgao.

Sang hră hơmâo pơtô brơi, pơhrăm kơ hơdôm rơbăn čô khua mua pơprong kơ ping gah, Kơnuk kơna hăng ling tơhan blah ngă; hur har kơsem min boh thâo ia rơgơi phrâo, pơƀut bruă mă tơlơi hơmâo sit nik, pơđĭ tui tơlơi pơtô djơ̆ hăng ia rơgơi phrâo mơneč blah ngă kơ ling tơhan Việt Nam. Ƀơi anăp kơ tơlơi pơhing amăng rŏng lơ̆n tơnah hlăk lu tơlơi tơnap tap rung răng hăng bruă mă gơgrong ba wai pơgang dêh čar jai hrơi kiăng kơtang hloh, Khua dêh čar ơi Lê Minh Hưng pơčrâo brơi hơdôm bruă mă phun mơ̆ Sang hră kơsem min hrăm bruă ling tơhan kiăng pơtum ngă tui. Khua dêh čar rơkâo, khom pơjing yak rơbat kơtang hloh kơ boh tơhnal tŭ yua amăng bruă pơtô hrăm, pơtô ba khul khua mua thâo mơneč, bruă ngă kơ ling tơhan hăng khua mua pơprong ping gah, Kơnuk kơna, ling tơhan blah ngă lir hơbit hăng pơđĭ tui hloh boh tŭ yua kơsem min boh thâo ia rơgơi; ba sang hră kơsem min gah ling tơhan jing anih anom phun lăi pơthâo mơneč ia rơgơi, tơlơi kơhnâo mrô sa gah ling tơhan, pơgang lơ̆n ia amăng kual.