Tơlơi hơmâo pel ĕp pơƀut amăng bruă pơphun ngă bruă, ngă tui gong gai dua gưl laih anun ngă tui djŏp bruă jao, hơdră pơhlom đĭ kyar bơwih ƀong tui hăng Hră pơtrun Jơnum ping gah dêh čar tal XIV.

Pơhiăp ƀơi mông jơnum, Khua ding jum pơtom hiăp ơi Lê Hoài Trung rơkâo Khul apăn bruă phun Ping gah Gia Lai lăng glăi dong, pơklaih brơi tañ hơdôm anŏ tơnap, pơhlom gong gai dua gưl mă bruă klă, tŭ yua, jê̆ giăm mơnuih ƀôn sang, krăp lăng plơi pla. Laih dong, Gia Lai kiăng pok pơhai ngă ha amăng plĕ bruă pơtrut đĭ kyar, mă yua klă tơlơi hơmâo, tơlơi gêh găl; pơƀut pơsir hĭ anŏ kơđông bruă tuh pơ alin, man pơdong, hră pơ-ar hăng anŏ rơgơi, apăn bruă mơ̆ng mơnuih mă bruă; laih dong pơsir hĭ djŏp, djơ̆ hrơi pơkă hơdôm bruă dŏ tơdu hơmâo črâo pơƀuh mơ̆ng bruă pel ĕp, krăo lăng./.