Ƀơi mông jơnum, Khua ping gah, Khua mir sir ơi Tô Lâm lăi rơđah, Hà Nội glăk mut amăng rơwang thun đĭ kyar phrâo hăng tơlơi kiăng prong hloh mơn. yua hnun,  rim tơlơi pơsit ruah khua mua leng kơ bơbeč nao tơlơi dưi đĭ kyar mơ̆ng ƀôn prong hăng rup hmư̆ hing mơ̆ng gong gai kơnuk kơna ƀơi anăp mơnuih ƀôn sang.

Khua ping gah, Khua mir sir đăo kơnang Khul khua apăn bruă phun Ping gah ƀôn prong Hà Nội amra pơtrut tui hơdôm bruă hơmâo ngă, đah mơ̆ng akŏ pơjing khul khua rơgơi, dưi ngă bruă jao, ngă bruă tơpă, tui tơlơi phiăn, pơhlom ngă bruă hruaih, bơbruai mơ̆ng anăp truh pơ tlôn, tŭ yua. Mơ̆ng anun djru Hà Nội dưi pơsir hĭ bruă tơnap, bruă prong, pơplih phrâo amăng bruă djă pioh gru grua hơdôm rơbâo thun, đĭ kyar djơ̆ hăng kual plơi prong jưh jom, akŏ pơjing ƀô̆ adung mơta, rup mơ̆ng ƀôn prong, mơ̆ plơi prong jưh jom hiam, laih anun pơđĭ tui tơlơi hơdip mơda kơ mơnuih ƀôn sang./.