Amăng mông jơnum, ƀing pơ ala hơdôm khul grup jar kmar, hơdôm sang bruă prăk dêh čar kual ASEAN đing nao pơčrông sai hơdôm boh tơhnal akŏ phun amăng pơmut hrŏm bruă prăk kak kual ASEAN; kiăo tui lăng hơdôm tơlơi pơplih bơwih ƀong huă pok prong hăng bruă prăk kak rŏng lŏn tơnah, amăng kual, kah hăng hơdôm bruă ră anai bơdjơ̆ nao bruă mă mơng hơdôm sang bruă prăk gơnong glông.

Hrŏm hăng anun lĕ bruă ngă tui tơlơi pơčeh kơ prăk kak hơđong kjăp hăng bruă kĭ tơlơi pơkôl phrâo; bruă pok pơhai akŏ bruă pơplih tơhnal pơkă ngă hrŏm bruă prăk kak kual ASEAN, hăng tơlơi pơplih amra hơmâo pok pơhai dong mơng thun 2027, kiăng hrưn đĭ boh tŭ yua amăng gum hrŏm hăng pơtrut bruă mut hrŏm bruă prăk kak kual ASEAN amăng rơwang pơ anăp anai.