Đĭ pơhiăp amăng mông bư̆p, Khua git gai Ping gah, Khua mir sir ơi Tô Lâm brơi thâo, Khul pơlir hơdôm grup giang mah Việt Nam lĕ ƀing akŏ phun, glăm ba phun amăng pơtom hiăp mơnuih ƀôn sang. Khua git gai Ping gah, Khua mir sir lăi pơtong, anai lĕ bruă mă, tơlơi glăm ba mơ̆ Ping gah, Kơnuk kơna, mơnuih ƀôn sang hơmâo pơsit tong hăng kah hăng anai lĕ tơlơi glăm ba, bruă jao mơng Khul pơlir hơdôm grup giang mah Việt Nam kiăng ngă tui hăng ba glăi boh tŭ yua sit nik.

Tŏ tui gru grua pơtom hiăp mơnuih ƀôn sang mơng đưm hlâo mơng dêh čar Việt Nam hăng thâo pơčeh phrâo jơlan hơdră pơtom hiăp Hồ Chí Minh, Khua git gai Ping gah, Khua mir sir đăo gơnang, Khul pơlir hơdôm grup giang mah Việt Nam amra jing ƀing akŏ phun, gơgrong pơjing pran đăo gơnang, pơplih mơng đăo gơnang jing tơlơi pơtrut, hăng hơdôm bruă mă tong ten, pơgôp ba lŏn ia ta hrưn đĭ kơtang amăng rơnuk hrưn đĭ pô.