8 blan thun 2026, bơwih ƀong huă - mơnuih mơnam mơ̆ng tơring čar Khánh Hòa bong kjăp rơnoh đĭ kyar. Amăng anun, bruă sĭ mơdrô, bơwih bơwang hăng čơkă tuai pơgôp lu biă, hăng mrô gơnam sĭ hlai, sĭ kơ mơnuih blơi yua hăng prăk pơhrui mơ̆ng bruă bơwih bơwang hơmâo rơbêh 156.000 klai prăk, đĭ giăm 20% pơhmu hăng tơđar. Tuai čuă ngui hơmâo 18 klăk wơ̆t, đĭ giăm 40%; prăk pơhrui mơ̆ng čơkă tuai hyu ngui rơbêh 60.000 klai prăk, đĭ 19,2%.

Bruă či ngă amăng hơdôm blan dŏ glăi, tơring čar Khánh Hòa pơsit, čơkă tuai hyu ngui, man pơdong, tuh pơ alin, hăng pơkra măi mok jing hơdôm bruă kiăng pơƀut ngă, đah mơ̆ng pơhrua anŏ kơƀah amăng rơnoh đĭ kyar. Hơdôm boh tơring ƀơi Khánh Hòa glăk ječ ameč ngă pơgiong bruă jao 90 hrơi pơklaih ala lŏn či man pơdong, pơsir anŏ tơnap kơ lŏn sang đang hmua, hră pơ-ar tuh pơ alin, mơ̆ng anun dưi brơi nao prăk tuh pơ alin tañ hloh.