VOV.Jarai-Khua git gai Ping gah tơring čar Dak Lak Lương Nguyễn Minh Triết hơmâo nao čuă, juh alum hơdôm boh sang anŏ răm rai kơtang hloh yua kơthel mrô 13 ngă ƀơi phường Sông Cầu hăng să Đồng Xuân.

VOV.Jarai-Khua pơ ala mơnuih ƀôn sang dêh čar pioh ha mơguah lơ 10/11 kiăng jơnum phara kơ bruă ruah mơnuih apăn bruă, amăng jơnum lok 10.

VOV.Jarai - Dua bơnah kiăng ngă tui khut tơlơi pơčrâo trun mơ̆ng khua mua dua Ping gah, dua kơnuk kơna kơ pơbưp nao rai hlăk ai Khač - Việt, pơtrut hlăk ai dua bơnah gum pơgôp pran jua amăng bruă akŏ pơdong Kual kah pơpha djru nao rai tơlơi hơdip pơgi kơdi Việt - Khač yom hloh.

VOV.Jarai - Mơguah lơ 6/11, ƀơi kual Từ Nham, phường Sông Cầu, tơring čar Dak Lăk - anih hơmâo đao lăng hlâo kơthel tal 13 amra pưh nao, gong gai pơphun ba pơđuăi abih mơnuih ƀôn sang tơbiă mơ̆ng anih ia blai đĭ hăng anih hơmâo sang dŏ jăng jai ƀơi ter hang ia rơsĭ.

VOV.Jarai - Mơmot tom brơi, lơ 6/11, ƀơi sang bruă Kơnuk kơna, Khua dêh čar ơi Phạm Minh Chính tŭ jum khua mua hơdôm anom mơdrô hrĕ apui añĕ gah Khul anom mơdrô hrĕ apui añĕ đơ đam rŏng lŏn tơnah.

VOV.Jarai - Kơthel 13 pưh nao pơ Gia Lai hăng Dak Lăk mlăm lơ 6/11, hơmâo angin rơbŭ kơtang, hơjan prong kơtang kơtit, ngă kơ lu kual ter hang ia rơsĭ ƀu thâo rô nao rai, hơdôm rơtuh sang anŏ tơpok pơbung tôl, dăo dlăm.

VOV.Jarai - Pơplih boh thâo mrô gah sang bruă prăk jing bruă khŏm hơmâo ƀơ̆i yơh, djru yom biă bruă mă yua prăk amăng đơ đam dêh čar, ba bruă bơwih brơi mơ̆ng sang bruă prăk giăm hloh hăng mơnuih ƀôn sang djŏp kual. Ƀơi Dak Lăk, hăng giăm 70% mrô mơnuih hơdip hăng bruă ngă hmua, bruă pơtrut sang bruă prăk mrô glăk ngă gêh gal či čan prăk, tla prăk hăng hơdôm bruă bơwih brơi prăk kăk rơnuk phrâo truh pơ plơi pla, djru neh met wa pơplih bruă juăt čan, tla prăk mơ̆ng hlâo, pơđĭ tui boh tŭ yua pơkra gơnam hăng klă hloh amăng tơlơi hơdip.

VOV.Jarai - Tơdơi kơ 2 hrơi ngă bruă hơdeč hmar hăng bơkơnar, mơguah lơ 6/11, ƀơi Sang bruă Ping gah, Jơnum lok 14, Khua mua apăn bruă phun git gai Ping gah dêh čar tal 13 pơđut laih mông jơnum.

VOV.Jarai-Ƀơi anăp tơlơi truh kơthel mrô 13 anăn Kalmaegi, kual Dơnung tong krah hăng Dap Kơdư hơmâo pok pơhai sa amăng plĕ lu bruă mă kiăng bong glăi hăng kơthel, đah mơ̆ng pơgang rơnuk rơnua tơlơi hơdip mơda, kông ngăn mơnuih ƀôn sang, laih dơ̆ng akŏ pơdong Gơnong bruă khua git gai pơčrâo bruă, ngă tui lu hơdră, pơhlom hlâo tơlơi truh sat kơthel ngă amăng kual.

VOV.Jarai-Ƀơi Hà Nội, Ding jum Ngă hmua hăng Ayuh hyiăng, pơphun jơnum lăi pơthâo lu bruă mă, hơdor glăi 80 thun hrơi gru grua gah bruă ngă hmua hăng pơgang ayuh hyiăng dêh čar thun 1945-2025 hăng Jơnum bơkơtưn khăp kơ lŏn ia tal I.