Đĭ pơhiăp amăng mông bưp, Khua git gai Ping gah, Khua mir sir pơsit tong, Ping gah, Kơnuk kơna lêng kơ đing nao bơwih brơi, wai pơgang klă ƀiă dong tơlơi dưi sit nik mơng mơnuih ƀôn sang Việt Nam pơ tač rơngiao, laih dong ngă gêh gal kiăng mơnuih ƀôn sang Việt Nam pơ tač rơngiao jai hrơi pơlir hơbit hăng plơi pla.

Hăng pran jua anun, Khua git gai Ping gah, Khua mir sir ơi Tô Lâm jak iâu mơnuih ƀôn sang dŏ hơdip pơ tač rơngiao ngă tui kơtang hloh pran jua ngă bruă tui tơlơi pơtrun mrô 23 mơng gơnong glông; gơgrong mut hrŏm, ngă dơlăm ƀiă dong amăng bruă pơjing, pơđĭ kyar lŏn ia hăng wai pơgang lŏn ia tañ, mơng ataih. Mơnuih ƀôn sang Việt Nam ƀơi dêh čar Nga tŏ tui gru grua gum pơgôp, khăp pap, thâo djru tơdruă; gir run mut hrŏm, ngă tui djơ̆ tơlơi phiăn ƀơi dêh čar dŏ hơdip; pơjing khul mơnuih ƀôn sang Việt Nam hơdip hiam, hur har ngă bruă, glăm ba hăng hơmâo djop mơta gru grua yôm phara.