Ƀơi mông bưp, ơi Trần Thanh Mẫn lăi pơtong, Việt Nam lăng kơ Hàn Quốc tơlơi ngă giăng mah yom phara biă mă,  čang rơmang dua bơnah dêh čar ăt pơtrut ngă hrŏm tŭ yua, hơmâo boh tơhnal klă, kơjăp hơđong, lăp hăng hră ngă hrŏm yom hlom bom dua bơnah.

Kơ anăp či ngă bruă, dua bơnah tŭ ư ngă kơjăp tui tơlơi đăo kơnang kơđi čar; kơtưn ngă hrŏm bơwih ƀong huă, sĭ mơdrô, tuh pơ alin, anăp nao kiăng ngă djơ̆ tơhnal pơkă pơhrui glăi prăk kăk sĭ mơdrô dua bơnah truh 100 klai đôlar amăng thun 2026 hăng 150 klai đolar amăng thun 2030 tui hăng hơdră ngă bơkơnar rơnoh prăk pơhrui glăi kơ dua bơnah dêh čar; pơtrut bruă ngă hrŏm kơsem min boh thâo ia rơgơi, tơlơi pơhing hăng ngă gêh găl brơi Việt Nam ngă hrŏm lu kơčăo bruă pơprong, pơkra ming hrĕ pơkĕ apui yua dưm amăng măi mok, juăt lăi bán dẫn, kơsem min boh thâo ia rơgơi ană mơnuih pơjing AI mơ̆ng Hàn Quốc.