Hok mơak bruă pơbưp plah wah Anom bruă pơ ala mơnuih ƀôn sang dua boh dêh čar, Khua pơ ala mơnuih ƀôn sang dêh čar rơkâo Khul khua giăng mah Việt Nam - Hàn Quốc čih akŏ bruă rơđah rơđông či ngă tui, pơhlom tŭ yua sit nik.

Lăi nao tơlơi dưi mă yua na nao ia rơgơi ană mơnuih ta pơčeh phrâo măng bruă čih pơkra tơlơi phiăn, Khua pơ ala mơnuih ƀôn sang dêh čar ơi Trần Thanh Mẫn brơi thâo Việt Nam hơmâo laih Tơlơi phiăn ia rơgơi ană mơnuih pơčeh mă laih anun Khua mua pơ ala glăk pơtrut mă yua boh thâo mrô, laih dong hơmâo jơlan hơdră mă yua ia rơgơi AI hơjăn amăng bruă mă mơ̆ng Khua pơ ala mơnuih ƀôn sang, hơmâo ngă tui rơbêh ha thun rơgao, ƀuh anŏ klă ñu rơđah rơđông biă. Lăi dlăm, Hàn Quốc ră anai jing dêh čar mơ̆ng čar rơgao tuh pơ alin prong hloh ƀơi Việt Nam, Khua Khul giăng mah Việt Nam - Hàn Quốc Moon Jin Seok čang rơmang, bruă kiăng pơđĭ rơnoh prăk sĭ mơdrô dua bơnah jing 150 klai USD amăng thun 2030 amra hơmâo ngă amuñ; brơi thâo Hàn Quốc ăt čang rơmang hơdôm anom bruă dêh čar Hàn Quốc gum hrŏm hơdôm kơčăo bruă pơkra anih anom prong ƀơi Việt Nam, mơ̆ng anun kơđŏm gru phrâo amăng bruă ngă hrŏm, sit nik hăng kơdrưh kơ-ang, hmư̆ hing amăng rơwang thun đĭ kyar phrâo mơ̆ng dua boh dêh čar./.