VOV.Jarai-Tlam mơmŏt lơ 10/11, Khua git gai pơ ala mơnuih ƀôn sang dêh čar ơi Trần Thanh Mẫn git gai jơnum lok tlâo, Khul plĕ hră ruah khua dêh čar.

VOV.Jarai-Mơguah lơ 10/11, ƀơi mông jơnum lok 10, khua mua pơ ala mơnuih ƀôn sang dêh čar tal XV hơmâo ruah ơi Nguyễn Văn Quảng, ding kơna ping gah dêh čar, ngă khua sang phat kơđi dêh čar.

VOV.Jarai-Lơ 10/11, Khua Jơnum min mơnuih ƀôn sang tơring čar Gia Lai, ơi Phạm Anh Tuấn, hơmâo hră mơ-it iâu pơthưr amăng tơring čar gum tơngan hrŏm pơsir tơlơi truh kơthel tal 13 (Kalmaegi) ngă, kiăng tañ hơđong tơlơi hơdip mơda brơi mơnuih ƀôn sang, rŭ glăi hăng pơtrut tañ bơwih ƀong huă mơnuih mơnam thun 2025.

VOV.Jarai-Tlam lơ 10/11, Khua dêh čar ơi Phạm Minh Chính nao jơnum hrŏm ƀing khua mua sang bruă mơdrô Việt Nam hăng akŏ ñu : “Sang bruă mơdrô FDI nao hlâo ngă tui hơdră kơtưn anŏ mơtah mơda amăng rơnuk ba yua mrô”.

VOV.Jarai-“Pơtrut pơsur hăng wai pơgang brơi ƀing apăn bruă hur har ngă bruă, thâo pơčeh phrâo, thâo pơmĭn khin ngă, khin hơtai ngă bruă yua kơ tơlơi dưi hrŏm” lĕ sa amăng hơdôm bruă hơmâo lăi nao amăng 3 mơta bruă yôm phun amăng črăn hră lăi pơthâo kơđi čar mơng Khul apăn bruă Ping gah tal XIII, mơ-it nao jơnum Ping gah tal XIV. Tơlơi črâo trun anai pơdah tong ten tui pran pơplih phrâo, lăng nao tơpă amăng hơdôm tơlơi gun amăng pơphun ngă bruă-anih hơmâo lu mơnuih apăn bruă ngă bruă dŏ djưng djư, ƀu gưt glăm ba, hŭi ngă soh.

VOV.Jarai-Mơguah tom brơi (10/11), Khua dêh čar ơi Phạm Minh Chính, Khua khul pơplông- apah bơni gơnong glông nao Jơnum pơplông khăp kơ lŏn ia Ding jum pơtom hiăp rơwang thun 2025-2030.

VOV.Jarai-Mă bruă hăng tơring čar Dak Lak kơ bruă pơđĭ kyar bơwih ƀong huă-mơnuih mơnam hăng bruă jao prăk tuh pơ alin man pơdong, kơ-iăng Khua dêh čar Mai Văn Chính lăng yôm tơring čar hơmâo gơgrong pok pơhai gong gai dua gưl tơdơi kơ dưm dăp anih anom mă bruă, tŏ tui pơđĭ kyar amăng hrơi blan bưp tơnap tap.

VOV.Jarai-Mơguah tom brơi 10/11, amăng jơnum lok 10, Khua pơ ala mơnuih ƀôn sang dêh čar tal XV tŏ tui ngă tui tơhal pơkă ruah khua mua. Tui anun, ơi Đỗ Văn Chiến-kơ-iăng khua git gai Ping gah Ƀirô Khua pơ ala mơnuih ƀôn sang dêh čar hơmâo ruah ngă kơ-iăng Khua git gai pơ ala mơnuih ƀôn sang dêh čar tal XV.

VOV. Jarai-Ƀơi sang bruă khua tơring čar Gia Lai, Kơ-iăng Khua dêh čar ơi Hồ Quốc Dũng hrŏm hăng grup khua mua mơ̆ng Kơnuk kơna nao mă bruă hăng khua mua tơring čar kơ bruă bong glăi hăng pơsir tơlơi răm ƀăm kơthel 13 ngă.

VOV.Jarai-Mơguah lơ 9/11, jơnum pơphun man pơdong sa amăng plĕ 72 ring bruă sang hră đôm lăm dua gưl, sa hăng gưl dua ƀơi djop să ƀơi guai dêh čar či lŏn hang amăng đơ đam dêh čar.