VOV4.Jarai-Tơdơi kơ 4 hrơi pơphun jak iâu gum pơgôp, grup pơphun gum djru ƀơi tơring čar Kon Tum hơmâo pơhrui glăi hơdôm hơpluh tơ̆n gơnam tam mơng djop anih anom hăng ƀing mơnuih čơmah ba nao pơčuih djru brơi kual kơdư.

VOV4.Jarai-Ƀrô tal nao mă bruă ƀơi tơring čar Dak Lak, lơ 15/9, Kơ-iăng khua dêh čar ơi Nguyễn Hòa Bình hơmâo nao čuă sang hră gưl sa, gưl dua, gưl tlâo Hoàng Việt, ƀơi plơi prong Buôn Ma Thuột.

VOV4.Jarai - Tơlơi ngă soh phiăn pơkă kơ hơđong pơhlôm ƀơi jơlan nao rai pơ̆ hơdôm ară jơlan nao rai amăng plơi pla ră anai ăt dô̆ lu mơn. Hơdôm bruă ngă juăt ƀuh lĕ ƀu đoa muk pơgang akô̆, pơgiăng rơgao mrô mơnuih pơkă, biă ñu lĕ tơlơi đuăi hmar blăi ča mơ̆ng sa čô mơnuih hlăk ai, tơdăm ngek dra muai... Huĭ rơhyưt hloh lĕ, hlăk ai tơdăm ngek dra muai ƀơi anai juăt tum pơƀut ƀong mơñum, laih anun đuăi rơdêh thut gư̆ ƀô ngañ rơbañ biă, ngă pơsuh amăng plơi pla.

VOV4.Jarai-Tlam lơ 13/9, ƀơi Ƀirô Kơnuk kơna, Khua dêh čar ơi Phạm Minh Chính tŭ jum ƀing khua Khul črâo ba bruă bơwih ƀong sĭ mơdrô kual ASEAN (ASEAN BAC) ƀrô hrơi nao jơnum tal 101 mơng khul ASEAN BAC ƀơi Hà Nội.

VOV4.Jarai-Ƀrô bơyan blan bơrơmi thun 2024, lơ 13/9, Khua git gai Ping gah, Khua mir sir ơi Tô Lâm hơmâo mơ-it nao tơlơi pơpŭ kơ ƀing čơđai Việt Nam amăng lŏn ia hăng pơ tač rơngiao, ƀing čơđai mơnuih ƀôn sang gah rơngiao dŏ hơdip ƀơi Việt Nam.

VOV4.Jarai - Mơguah lơ 13/9, ƀơi plơi prong Plei Ku, tơring čar Gia Lai, Binh đoàn 15 (Ding jum khul ling tơhan) hmâo pơphun Jơnum bơkơtưn truh kih rơwang 2019-2024.

VOV4.Jarai - Mơguah lơ 13/9, Ding jum kơđi čar gum pơhiăp kơ: Akô̆ bruă klah čun ƀơƀiă 5 thun ngă tui Tơlơi pơtrun pơsit mrô 45 mơ̆ng Ding jum kơđi čar tal 12 kơ pơdŏng hăng pơđĭ kyar ƀôn prong Hải Phòng truh thun 2030, tơhnal lăng nao truh thun 2045.

VOV4.Jarai-Hơdôm hrơi rơgơi, rup rap mơnuih ƀon sang hơdôm boh tơring čar kual Kơdư glăk đăm amăng ia, lŏn rơhroh dor lu mơnuih, ngă hlơi hlơi lêng kơ ol kơdol pran jua. Juăt găn rơgao tơlơi rơngiă yua hơjan kơthel hăng ăt tŭ mă tơlơi gum djru mơng đơ đam dêh čar, neh met wa kual Tong krah klon ƀañ tek, pơgôp mơnong ƀong huă, gơnam yua lơm trun amăng ia kiăng mơ-it nao neh met wa kual kơdư djru brơi mơnuih ƀon sang kual hơjan kơthel. Ƀơi ƀôn prong Đà Nẵng, neh met wa ƀơi hơdôm ƀon lan krŏng ha mlăm kiăng kơ klon ƀañ tek mơ-it nao neh met wa kual ia ling dăo.

VOV4.Jarai-Ping gah amăng anom bruă pơ ala mơnuih ƀôn sang dêh čar phrâo jơnum jao miđai 65 thun, 40 thun hăng 30 thun ping gah kơ mơnuih ping gah amăng sang bruă khua pơ ala mơnuih ƀôn sang dêh čar.

VOV4.Jarai-Ƀơi Kon Tum tơdơi hơdôm mông pơphun jak iâu, Jơnum min djop djuai ania mơnuih mơnam Việt Nam tơring čar hơmâo tŭ mă 2 klai 500 klăk prăk mơnuih ƀôn sang pơčruh, pioh ba nao djru hơdôm tơring čar kual kơdư dêh čar ta pơsir anŏ răm ƀăm truh ia ling dăo.