Tơdơi kơ tŭi ñang, ƀing khua Sang bruă khua tơhan Kual 7 sem lăng tong ten ƀơi anih phrâo ĕp ƀuh ha glông pơsat dong amăng mông pok prong anih hyu ĕp. Anih anai giăm hăng anih hơmâo ƀuh, rŭ đĭ tơlang tơhan hlâo kơ anun mơn. Tơdơi kơ ƀuh kru nam, Grup tơhan K74 nao pơgang anih hơmâo pơsat, iâu ling tơhan, rơdêh, măi mok hyu ĕp tui hăng tơlơi pơtrun.

Khua mua Tơhan kual 7 kiăng Sang bruă khua tơhan ƀôn prong Hồ Chí Minh hăng Grup 74 sem lăng tong ten ƀiă lŏn tơnah, kru nam, pok prong dong anih hyu ĕp, ƀu pơgao lui ôh hơdôm anih đing hơmâo pơsat. Tơlang tơhan, gơnam pơtui, hrŏm hăng hơdôm kru nam bơdjơ̆ nao khŏm čih pioh, djă lui, kač gru, čih pơgiong hră pơ-ar, pơtŏng rơđah, kiăng thâo anăn krăn pô tơhan djai drơi kơ lŏn ia./.