VOV.Jarai - Mơguah lơ 30/10, ƀơi să Ia Lốp, Gơnong bruă gru grua, bơrơguăt drơi jăn hăng tuai čuă ngui tơring čar Dak Lăk ngă hrŏm hăng Anom git gai tơhan pơgang guai tơring čar pơphun Jơnum pôr pơthâo bruă pôr pơhing pơtom hiăp hăng čar rơngiao, pôr pơthâo tơlơi dưi wai lăng guai lŏn ia thun 2025.

VOV.Jarai - Tlam lơ 30/10, amăng jơlan hơdră nao pơhmư̆ mông Jơnum khua mua prong Ngă hrŏm bơwih ƀong kual ASIA - Thái Bình Dương (APEC) 2025 ƀơi plơi prong Gyeongju, Hàn Quốc, Khua mir sir ơi Lương Cường hơmâo tơlơi đĭ pơhiăp yom biă ƀơi mông Jơnum khua mua anom mơdrô prong APEC 2025.

VOV.Jarai - Ƀơi mông jơnum lok 3, tlam lơ 30/10, Jơnum min pơ ala mơnuih ƀôn sang tơring čar Dak Lăk pơsit 21 tơlơi pơtrun yom bơdjơ̆ nao bruă pơđĭ kyar bơwih ƀong huă - mơnuih mơnam thun 2025, amăng anun pơplih hrŏ trun bruă tuh pơ alin, pơƀut kơ hơdôm bruă tŭ yua hloh, ƀudah ƀiă či pơkra giong.

VOV.Jarai-Ƀơi mông jơnum Khul khua git gai pơđĭ kyar boh thâo ia rơgơi, pơblih pơčeh phrâo kơsem min ia rơgơi pơphun mơguah lơ 30/10, Khua git gai ping gah tơring čar Dak Lak ơi Lương Nguyễn Minh Triết pơtrun hiăp brơi gir run hloh ba yua mrô hăng pơtrut kơsem min boh thâo ia rơgơi phrâo amăng tơlơi pơhing, pơblih pơčeh phrâo.

VOV.Jarai-Hơdor glăi tal 95 thun hrơi gru grua Jơnum min djop djuai ania mơnuih mơnam lơ 18/11, tlam mơmŏt lơ 30/10 ƀơi Hà Nội, Khua mua jơnum min djop djuai ania mơnuih mơnam Việt Nam ngă hrŏm sang bruă khul čih tơlơi pơhing Việt Nam, Gong phun pơdah rup Việt Nam pơphun jơnum jao pri apah bơni hră pơhing phrâo čih kơ bruă pơgăn hưp ham ƀong kông ngăn, phăk phai, soh sat tal V, thun 2024-2025.

VOV.Jarai-Lơ 30/10, ƀơi plơi prong jưh jom London, Khua git gai ping gahơi Tô Lâm, hơmâo bưp ơi Tony Blair khua hơđăp dêh čar Angle, Khua sang bruă kơsem min anăn Tony Blair amăng tal nao čuă dêh čar Angle.

VOV.Jarai-Kual Dơnung tong krah-Dap kơdư glăk pok pơhai man pơdong hơdôm boh sang hră gưl I-sang hră gưl II kơnuk kơna čem rông ba ƀơi hơdôm boh să giăm guai. Anai lĕ hơdră bruă pơprong, ba glăi tơlơi yôm biă mă, djru brơi ƀing čơđai djuai ania ƀiă kual giăm guai gêh gal hrăm hră, hơđip hơđong hăng dưi hrăm tui jơlan hơdră pơtô hrăm phrâo.

VOV.Jarai-Amăng tal nao čuă jơmư sit nik dêh čar Angle hăng Ireland, ƀơi plơi prong jưh jom London, Khua git gai ping gah ơi Tô Lâm hăng grup khua mua dêh čar Việt Nam hơmâo tŭ jum khua ping gah Angle, Robert Griffiths.

VOV.Jarai-Tom brơi (29/10), amăng tal nao mă bruă ƀơi kual Ngŏ tơring čar Dak Lak, Khua git gai Ping gah tơring čar ơi Lương Nguyễn Minh Triết hơmâo mông mă bruă hăng gưl Ping gah, tơhan wai pơgang guai, tơhan wai lăng bruă mă akan hơdang hăng gong gai ƀon lan, rơkâo wai lăng kjăp ƀattô hyu mă akan hơdang, pơsir hĭ bruă ngă soh tơlơi pơkôl IUU, anăm brơi ƀuh ngă soh amăng hrơi blan pơgăn hyu mă akan hơdang ča čot.

VOV.Jarai-Tlam lơ 29/10 (tui mông ƀơi Hàn Quốc), ƀrô tal nao jơnum khua mua pơprong khul ngă hrŏm bơwih ƀong huă kual Asia-Thái Bình Dương (APEC) ƀơi Hàn Quốc, Khua mir sir ơi Lương Cường hơmâo mông bưp hăng Khua mir sir Mi ơi Donald Trump.