VOV.Jarai-Amăng dua hrơi lơ 22 hăng lơ 23/4 ƀơi tơring čar Mondulkiri, dêh čar Kur, Khul git gai mrô 515 tơring čar Dak Lak hăng Khul ngă bruă ƀơi tơring čar Mondulkiri jơnum bơkơtuai nao rai kơ bruă jao hăng tŭ mă ba glăi tơlang tơleh tơhan djai pơsăn drơi jăn yua kơ lŏn ia Việt Nam ƀơi dêh čar Kur.

VOV. Jarai- Lơ 24/4, ƀing pơ ala mơnuih ƀôn sang dêh čar tal 16 pơđut jơnum lok sa

VOV.Jarai - Mơguah lơ 22/4, ƀơi Hà Nội, Jơnum min Pel ĕp bruă mă mơ̆ng Ping gah pơphun jơnum lăi pơthâo tong ten hăng pok pơhai ngă tui djŏp hră pơtrun, tơlơi pơtrun kơ bruă pel ĕp, krăp lăng, bơtơhmal tơlơi soh mơ̆ng Ping gah hơmâo tŭ ư pơsit brơi ƀơi mông Jơnum lok 2 Khul khua apăn bruă ping gah tal 14 mơ̆ng Anom bruă Pel ĕp bruă mă mơ̆ng Ping gah.

VOV.Jarai-Tlam lơ 22/4, Khua dêh čar ơi Lê Minh Hưng tŭ jum Khua ding jum pơtom hiăp dêh čar Estonia, Margus Tsahkna ƀrô tal rai čuă sit nik Việt Nam.

VOV.Jarai-Lơ 22/4, Jơnum min mơnuih ƀôn sang tơring čar Dak Lak pơphun jơnum kơ bruă pơplih ngă hră pơ-ar, đing nao pơsir hĭ hơdôm bruă ngă gun amăng mrô pơkă pơplih ngă hră pơ-ar hăng pran bơkơtưn gưl tơring čar. Tơring čar Dak Lak pơsit bruă pơplih ngă hră pơ-ar lĕ bruă pơplih phrâo, pơlir hăng tơlơi glăm ba mơng ƀing apăn akŏ.

VOV.Jarai-Tlam lơ 22/4, tơdơi kơ mông čơkă gưl Kơnuk kơna pơ Ƀirô Khua mir sir, Khua git gai Ping gah, Khua mir sir ơi Tô Lâm jơnum bơkơtuai hăng Khua mir sir Hàn Quốc Lee Jae Myung amăng tal rai čuă gưl Kơnuk kơna pơ Việt Nam.

VOV.Jarai-Ping gah tơring čar Dak Lak hơmâo pơphun jơnum lăng glăi hơdôm akŏ bruă, ring bruă akŏ phun glăk man pơkra kaih, bưp tơnap, dŏ đôm glăi sui hrơi amăng tơring čar, kiăng pok phư ngăn rơnoh brơi hơnong pơkă pơđĭ kyar thun 2026.

VOV.Jarai-Lơ̆m adai bơyan ƀơi Dak lak pơblih jing bơyan không, ăt bơyan djet ia tơbâo ƀơi djop sang măi pơphun ngă laih mơ̆n. Truh blan 4, bơyan djet ia tơbâo tơđar thun abih laih, phun tơbâo laih arăng koh giong, či bluh tơdŭ čăt đĭ tơbâo mơda amăng đang, tơguan ia hơjan trun bơyan hlim či truh, phun tơbâo kơjăp tui čơkă bơyan koh tơbâo pơ anăp adih tŏ tui. Samơ̆ truh ră anai, ƀơi lu plơi pla anih pla tơbâo phun ƀơi Dak Lak, tơbâo ăt dŏ krô krañ ƀơi đang, tơguan pô ñu nao koh, tơguan sang măi djet ia, ngă kơ mơnuih ngă hmua pla tơbâo tơnap tap, bơyan koh tơbâo či rơgao blan bơyan djet ia, rơgao hrơi blan bluh glăi hla mơda tơdŭ phrâo.

VOV.Jarai-Mơguah tom brơi (22/4), ƀơi Ƀirô Kơnuk kơna, Khua dêh čar ơi Lê Minh Hưng git gai mông mă bruă hăng Ding jum sĭ mơdrô hăng tuh tia pơkra ming kơ bruă pok pơhai hơdôm bruă jao amăng thun 2026.

VOV.Jarai - Tlam lơ 21/4, Khua git gai Ping gah, Khua mir sir ơi Tô Lâm git gai mông ngă bruă hăng Khul khua apăn bruă phun ping gah tơring čar Hà Tĩnh kơ boh than ngă bruă kơđi čar, pok pơhai hơdôm tơlơi pơtrun mơ̆ng Gơnong dlông hăng jơlan ngă bruă akŏ phun đĭ kyar mơ̆ng tơring čar pơ anăp.