VOV.Jarai-Hăng tơlơi čang rơmang ba glăi lu boh tơhnal yôm phara, lăi pơthâo dơlăm ƀiă gru grua djuai ania Chăm ƀơi tơring čar Lâm Đồng amăng hrơi ngui gru grua djuai ania Chăm đơ đam dêh čar tal VI, thun 2026, hơdôm hrơi anai rơbêh 80 čô mơnuih ngui adôh suang djuai ania Chăm glăk ječ ameč pơtop hrăm prap lui.

VOV.Jarai - Amăng tal nao pơhmư̆ mông Jơnum khua mua prong ngă lơphet 35 thun rô nao rai ASEAN - Nga, Khua dêh čar ơi Lê Minh Hưng hrŏm hăng lu khua mua nao pơhmư̆ Jơlan hơdră Pơtruh bruă Sĭ mơdrô hăng Tuh pơ alin Việt Nam - Nga.

VOV.Jarai - Jơnum min mơnuih ƀôn sang tơring čar Gia Lai phrâo pơtrun Jơlan hơdră pơkra jơlan bê tông amăng plơi pla rơwang thun 2026-2030, prăk či man pơkra rơbêh 1.165 klai, mă mơ̆ng prăk pioh tuh pơ alin pơkă thun găp ƀrô či pơkra jơlan nao rai, bơwih brơi kiăng đĭ kyar bơwih ƀong huă - mơnuih mơnam amăng plơi pla.

VOV.Jarai - Amăng hơdôm hrơi anai, hơdôm boh tơring gah Ngŏ Dak Lăk glăk ječ ameč ngă bruă kiăng tañ brơi prăk tuh pơ alin ring bruă kơnuk kơna jao. Amăng anun, tơlơi tơnap hloh lĕ bruă čuk pơkra pơplaih ala lŏn či man pơdong. Ƀơi anăp tơlơi kiăng ngă tañ mơ̆ng kơčăo bruă jơlan nao rai ter hang ia rơsĭ, Dăk Lăk pơphun bruă “30 hrơi mlăm čuk pơkra pơklaih ala lŏn”, pơtrut pơsur kiăng hơmâo pran jua ngă bruă mơ̆ng plơi pla mơtăm, abih bang gum ngă, gơgrong bruă, hăng nao hlâo yua klă kơ abih bang mơn.

VOV.Jarai-Tlam kơnôl 18/6, Jơnum min mơnuih ƀon sang tơring čar Dak Lak jơnum pel ĕp, lăng glăi bruă pok pơhai hơdôm boh tơhnal prap lui Jơnum lăi pơthâo bruă dưm dăp hăng pơsur tuh pơ alin tơring čar Dak Lak.

VOV.Jarai-Kiăng pơgiong hơnong pơkă pơđĭ kyar mơng 10% pơ glông amăng thun 2026, pơđĭ kyar bơwih ƀong huă hrŏm 6 blan rơnuč thun amăng tơring čar Dak Lak kiăng mơng 11,8% truh 12%.

VOV.Jarai-Ƀơi Hà Nội, Khua git gai Ping gah, Khua mir sir ơi Tô Lâm hơmâo tŭ jum kơ-iăng Khua git gai pơ ala mơnuih ƀôn sang dêh čar Đức Bodo Ramelow rai čuă sit nik dêh čar Việt Nam.

VOV.Jarai-Ƀơi ƀôn prong Kazan, lŏn ia Tatarstan, gah dêh čar Nga, Khua dêh čar ơi Lê Minh Hưng ba jơlan hlâo khua mua kơnuk kơna Việt Nam nao jơnum hrŏm abih bang khua jua pơprong hơdor glăi tal 35 thun rô nao rai ASEAN hăng Nga.

VOV.Jarai-Tơring čar Quảng Ngãi hơmâo mă yua radar hrĭp ĕp amăng lŏn kiăng kơ guang dar, pơsit brơi anih him lăng hơmâo tơlang tơleh tơhan djai pơsăn drơi ƀơi kual jơlan Trường Chinh, anih giăm guai kơplah wah phương Kon Tum hăng phương Đăk Cấm (plơi prong Kon Tum hơđăp), laih dong pok pơhai bruă hyu ĕp.

VOV.Jarai-Kơnôl 18/6, ƀơi Hà Nội, jơnum ruah khua khul đah kơmơi mut phung đơ đam dêh čar tal XIV, rơwang bruă thun 2026-2031. Pơ ala kơ khua mua ping gah, kơnuk kơna, Khua pơ ala mơnuih ƀôn sang dêh čar ơi Trần Thanh Mẫn nao pơhmư̆ hăng đĭ pơhiăp git gai mông jơnum.